獨家丨謝安琪聽到戲癮大發仲偷到師 張繼聰白只研究演技講足全日

謝安琪（Kay）相隔7年再拍戲，跟新晉唱作歌手Anna hisbbuR在電影《4拍4家族》演兩姊妹。雖然Kay今次冇再搵白只幫手，但從他及張繼聰身邊偷師多年，對演技都幫到手。戲中提到失憶，Kay最唔想忘記跟家人相處的快樂時光，包括結婚時得到大家的祝福，及跟張繼聰對望的眼神。採訪：杜杜 攝影：羅安強 髮型:Zap Tang 化妝:Kris Wong 服裝:Max Mara 場地:ClubONE

7年來，Kay收過唔少劇本，但角色不是太難就是欠發揮。

Kay覺得22歲的Anna好有型，最初都擔心導演能否說服她演出。

自2016年拍攝TVB劇《殭》後，Kay冇再拍戲，因為未遇到適合角色，直到遇到《4拍4》，「劇本個主軌係圍繞女角，音樂元素又用得好好，家庭衝突同之後發展好自然，睇到劇本覺得機會嚟嘞！」今次她冇再搵白只做acting coach，因他跟張繼聰愛在她面前研究演技，經常有機會偷師，「有個好勁嘅人，助手或者伴讀書僮，都涉獵咗唔少，佢哋可以由午飯傾到食埋宵夜都未完，佢哋研究演技好有趣，令我都好想做演員去感受呢個樂趣。」

Kay平日一邊整嘢食一邊聽張繼聰和白只研究演技。

Kay有不少感情戲，鬧仔爆喊一幕，令人感動。

Kay同Anna好多話題

Kay早在網上留意Anna的歌，所以初次合作都有好多共同話題，「我哋共通語言就喺零食。」而有機會與天后合作，Anna覺得好神奇，「去唱K一定會唱佢嘅歌，突然做咗我家姐，朋友都勁葡萄我，發達嘞！」初次拍戲的Anna，讚好合作氣氛，「冇諗過有咁親切嘅感覺，始終拍戲都係開工，但體驗好似屋企人咁。」

Kay和Anna最難忘兩姊妹在天台收胸圍時互打。

電影講音樂人辛酸，Kay要瘋狂兼職才能繼續追夢。

導演一直搵唔到識彈Bass的演員，於是搵創作主題曲的Anna去演。

戲中Kay要面對失憶，現實中她最不想忘記跟家人的相處時光，「爸爸媽媽同我細個嘅回憶；我啲小朋友出世；結婚嗰日經歷大家嘅祝福；我同我先生對望嘅眼神，都唔想忘記。」不過電影令她重新思考回憶的重要性，「經歷過以上講嘅情景，已經滿足咗，同埋我先生、小朋友都有同樣回憶，我記唔記得係咪真係咁緊要呢！？」而Anna最想保留的回憶，就是首次在港睇偶像G-Dragon的演唱會，「未試過人生係咁開心。」

Kay早前一家去澳洲旅行兼為大仔搵大學。

Anna 提到G-Dragon個冧樣，有幾鍾意呃唔到人。

《星島頭條》新網站有更多精彩內容：http://www.stheadline.com/