紮職2首映禮｜黃宗澤答應會落力謝票 張繼聰獲老婆謝安琪支持
英皇電影《紮職2》今晚（3日）舉行首映禮，一眾演員黃宗澤（Bosco）、張繼聰、陳家樂、衛詩雅、黃德斌等均有出席外，英皇集團主席楊受成博士與太太陸小曼，以及藝人謝安琪等也到場支持。
對於票房可有信心，張繼聰表示拍攝時好盡力，亦好欣賞新導演，又讚該片有古惑仔感覺，亦與時並進。Bosco表示對該片好期待，也很享受拍攝過程。陳家樂則謂，會以家人取戲飛的數量作為信心指標，爸爸向他取了十張戲飛，太太連詩雅則取兩張戲飛跟朋友入場支持。在旁的Bosco聞言即謂好羨慕家樂，因為中秋節都未見過媽媽，因為已飛往越南旅行，又指會為該片落力謝票，若有粉絲要求合照會有求必應。
【點擊睇《紮職2》首映禮】：
黃宗澤回應對粉絲不友善傳聞
黃宗澤對於在內地出席活動，被粉絲投訴態度不友善，他解釋現場的商場幾層樓逼滿人，當見到情況開始混亂，不敢跟粉絲近距離接觸而引起混亂，因為試過有人在扶手電梯上跌倒。他說：「啲人衝，個責任就喺我身上，有啲人理解，亦有人唔明，不過講我唔友善無所謂，我又唔痛！大家都知我為人點？都係為大家著想。」
另外，提到謝安琪為宣傳新歌重提老公張繼聰曾患抑鬱並有輕生念頭，甚至寫了遺書。張繼聰表示已講過多次，但認為人生會遇到好多問題，一定會有情緒，更建議應睇場好戲同聽好歌、吃好東西，又趁機宣傳該片同陳家樂的新戲，以及太太謝安琪新歌，更叫人幫襯黃宗澤所開的餐廳。
衛詩雅演技獲讚：最緊要靚
而同樣有出席首映並有份演出的衛詩雅，在戲中飾演孕婦，她表示最近重遇戲中的BB，原來BB長大已兩歲，感覺時光飛逝，亦感覺自己成熟又變靚，更透露日前由台灣返港，發現被經理人感染甲型流感。她說：「我感覺辛苦過患新冠肺炎，日頭病到覺得自己會死，食完藥夜晚就無事。」
提到有份演出Viu TV《Food Buddies》獲網民大讚她演繹激情戲表情到位。衛詩雅表示當時身在台灣，播放時也不敢睇要遮眼，好似睇鬼片一樣咁驚，但經理人大讚她拍得靚，毋需擔心。她說：「我唔鍾意拍親密戲，尺度比我想像中大，第一次見導演話有床戲，我話好唔想拍，佢話電視尺度大得去邊！去現場拍攝覺得尺度大，但都拍咗先，可能拍完會剪咗。不過最緊要拍出嚟靚，好開心多人讚。」衛詩雅指，導演與拍檔柯煒林在現場有照顧她的感受，所以拍得好安心。
下載「星島新聞(加拿大版)」App，隨時看到最新最快新聞：
iPhone：https://apple.co/2IBi812
Android：https://bit.ly/2Pe8anu
訂閱加拿大星島網電郵快訊，每天可收到最快新聞資訊電郵： https://www.singtao.ca/subscribe/singtao.php
>>>訂閱CCUE YouTube 頻道，查看更多吃喝玩樂、生活資訊影片。
