張天穎與Phoebus吳啟洋分手後現身 避談Alice是第三者：唔開心嘅嘢唔想睇咁多
《星島頭條》早前獨家爆出《全民造星IV》出身的Alice許寶恆，在台灣拍攝《P1X3L 5G上台計劃》期間主動出擊向Phoebus（吳啟洋）投懷送抱，令Phoebus與張天穎的五年情玩完，之後張天穎嬲爆Unfollow二人，雖然Phoebus事後解釋，與Alice許寶恆只是朋友關係，沒想到只是幾個朋友的旅程會發酵至那樣，更指二人本來也有問題，分手與緋聞無關。
【相關閱讀】：Phoebus吳啟洋澄清與Alice許寶恆只是朋友 私下無親密行為 親揭分手原因
【點擊睇張天穎分手後現身】：
張天穎今日（30日）到亞博為「未來音樂祭」演出，而且更在台上大曬訓練多時的一字馬不過就因近期較少拉筋搞到只得8成變「大字馬」，問到甩拖後是否寄情工作，她表示會繼續努力做好歌，至於是否已放下？她說：「有唔同嘅開心同唔開心事，我都覺得慢慢嚟。」又指現時靠寫歌分散注意力。對於有指Alice是第三者，張天穎則避談，只表示沒有看不開心的報道，對於Phoebus否認兩人分手涉及第三者，張天穎說：「佢咁同我講我都相信，但係唔開心嘅嘢唔想睇咁多，（兩人早有矛盾？）好deep喎呢條問題，我諗兩個人或人際關係一定有磨擦或開心嘢，但我都好開心發現原來朋友、屋企人都好錫我。」
【點擊睇Phoebus吳啟洋疑偷食致分手】：
張天穎對感情事隨緣
張天穎又指拍拖這5年間學了不少事情，現時正沉澱及學習努力向前行，問到她會否因此事嚇怕跟圈中人拍拖？她說：「未有心機去諗，唔諗住，我諗隨緣。（有冇聯絡？）冇，（一發生就冇聯絡？）係，都有啲突然，（你幾時覺得有唔妥提分手？）其實都唔係好清楚（唔清楚被分手？）係o架，佢講咩我就信，對我嚟講消息的確有啲突然。」至於兩人分手是否有講清楚，張天穎就不懂回答，問她現在是否仍然得愛Phoebus？她只表示因不想被感情事影響工作，至於Phoebus和Alice若真的拍拖是否會祝福兩人，她說：「我做好自己。」而她又謂以前在工作上曾跟Alice碰面，但不熟，亦沒有交流。
下載「星島新聞(加拿大版)」App，隨時看到最新最快新聞：
iPhone：https://apple.co/2IBi812
Android：https://bit.ly/2Pe8anu
訂閱加拿大星島網電郵快訊，每天可收到最快新聞資訊電郵： https://www.singtao.ca/subscribe/singtao.php
>>>訂閱CCUE YouTube 頻道，查看更多吃喝玩樂、生活資訊影片。
