獨家丨馬賽佛偈回應黑歷史「忍辱最有功德」 艷舞片毀前途後悔賣樓同傳媒打官司

2008年港姐季軍馬賽(現名馬菀迎)憑著清純外表得到無綫重用,2011年更奪得《飛躍進步女藝人》,本來大把前途,卻因2013年爆出介入內地製片人汪子琦與富婆Laura的同性婚姻,15年離開TVB轉戰內地發展。信佛10年又做咗媽媽的馬賽日前難得回港接受訪問,她不斷拋佛偈,強調做人不用太執著,對於近年港姐是非纏身,她亦寄語師妹平常心,「做人好渺小,食唔到幾多,隨緣。」採訪:方騫平

馬賽快閃返港,即去品嘗最鍾意嘅雲吞麵。
馬賽快閃返港,即去品嘗最鍾意嘅雲吞麵。

 

馬賽曾經風光過,由當年「姐仔」胡杏兒、胡定欣、楊怡等帶住拍劇,因為被爆硬撬富婆Laura牆腳,跟內地有米女製片汪子琦玩斷背,形象插水冇得留低,更令她患上抑鬱症,19年與圈外老公結婚,同年誕下女兒Camellia,一家三口在內地定居。捱過近10年嘅低谷,馬賽已重整人生,演出的內地電影《孤注一擲》更大收30億惹關注。

2019年,馬賽奉女成婚做紀太,一家3口過住幸福生活。
2019年,馬賽奉女成婚做紀太,一家3口過住幸福生活。

 

馬賽2019年頭奉女成婚做紀太,老公清楚她嘅經歷,一家3口過住幸福生活。
馬賽2019年頭奉女成婚做紀太,老公清楚她嘅經歷,一家3口過住幸福生活。

 

有女萬事足。
有女萬事足。

 

 

 

 

 

 

 

 

馬賽囡囡好可愛。
馬賽囡囡好可愛。

 

 

 

馬賽跟黎耀祥合作的《巾幗梟雄3之諜血長天》是在TVB的最後作品。
馬賽跟黎耀祥合作的《巾幗梟雄3之諜血長天》是在TVB的最後作品。

 

馬賽當日受捧,跟姐仔鍾嘉欣齊拍劇。
馬賽當日受捧,跟姐仔鍾嘉欣齊拍劇。

 

馬賽入行僅3年,便於2011年奪得台慶《飛躍進步女藝人》,而《男藝人》係歐陽靖。
馬賽入行僅3年,便於2011年奪得台慶《飛躍進步女藝人》,而《男藝人》係歐陽靖。

 

馬賽有份演出嘅內地電影《孤注一擲》獲30億票房。
馬賽有份演出嘅內地電影《孤注一擲》獲30億票房。

 

賣爸爸物業打官司

重提舊事,馬賽好感恩:「26歲時面臨人生第一個大挫折,係上天對我嘅考驗,唔係所有人都可以經歷到,好彩我通過咗,變成一個內心更強大嘅人,因為從大學畢業到選港姐,又拍劇攞獎,太順風順水,未必係好事。」講到遺憾,她說當時年紀太細,太執著外界評價,出售2010年爸爸買畀佢嘅物業套現,然後花近100萬港元跟傳媒打官司,平反不實報道,她慨嘆:「錢就花咗打到調解,最後都得唔到道歉。」

馬賽最後悔為討回公道,變賣爸爸送畀佢嘅物業用嚟打官司。
馬賽最後悔為討回公道,變賣爸爸送畀佢嘅物業用嚟打官司。

 

相信天無絕人之路

今時今日馬賽唔再申訴委屈,她用「大道理」解釋:「嗰件事影響咗大家對我嘅印象都冇所謂,再去澄清亦冇意思,佛家講『忍辱最有功德,最消業障』,凡事有因果,天無絕人之路,做一個善良嘅人,老天會保佑你;如果為人不善,老天都會收。」她更強調,「唔明嘅人講咩都冇用,一切都係因緣,所有事情都唔需要太執著,回頭望,𠵱家不論喺生活、心態、工作都好好,經已係最大嘅得著。」

2014年7月,馬賽於記者會上喊爆,並就自己的不當行為向公眾道歉。
2014年7月,馬賽於記者會上喊爆,並就自己的不當行為向公眾道歉。

 

 

平衡家庭事業時間

提到今屆港姐三甲都多是非,馬賽以過來人身份,寄語師妹保持平常心:「我冇留意港姐新聞,但人生短暫,做人好渺小,食唔到及用唔到幾多,隨順因緣,做一份喜歡嘅工作,過有意義嘅每一日,自得其樂係最好狀態。」她又稱當年突然間受到好多關注,一定有人鍾意及唔鍾意你。又稱人越大,越要穩定情緒再慢慢應對。馬賽趁女兒Camellia入讀幼稚園,除拍戲、做自媒體還經營養生品牌網店,盡量平衡事業和家庭:「好珍惜重新出嚟工作,其實我同TVB關係仲係好好,感恩一直被栽培,如果TVB需要我,好樂意返去報恩。至於目標,希望可以通過自己小小知名度去推廣中國傳統文化,例如中醫養生去幫人。」

2008年,馬賽以大熱資態奪季軍兼「最上鏡小姐」。
2008年,馬賽以大熱資態奪季軍兼「最上鏡小姐」。

 

馬賽寄語出爐港姐莊子璇、王怡然及王敏慈保持平常心做好自己。
馬賽寄語出爐港姐莊子璇、王怡然及王敏慈保持平常心做好自己。

 

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

前「星夢一姐」菊梓喬去向曝光!將強勢加盟恩師公司 曾傳不滿被炎明熹分薄資源

TVB前女星梁嘉琪自爆被圈中前輩撩上房 網民憑兩線索推測「男主角」:奧運六子?

大劉21歲女兒劉秀盈越大越靚似某港姐冠軍 轉新形象展現甜美笑容添魅力

193向Do姐重提IG追蹤請求 以取消3千追蹤換Do姐一個

都市網新聞