獨家丨53歲喬寶寶帶戲中囝囝睇林寶堅尼被當大地主 笑到癲:邊有錢呀買條毛咩

53歲喬寶寶最近在社交網上傳昔日跟劉德華、張學友、張繼聰及陳慧琳等人的合照惹關注，網民大讚年輕瘦版的喬寶寶輪廓分明好靚仔，係「印度黃凱芹」，但𠵱家發咗福帶點滄桑味。做咗爺爺的喬寶寶笑說：「想當年睇住劉德華、郭富城、張學友出身，點知𠵱家個樣仲老過佢哋！」採訪：方騫平

喬寶寶返港期間不停接job，賺到6位數字。

喬寶寶夫婦跟張學友的舊照，兩公婆當年好瘦。

入行18年，以無綫真人騷《殘酷一叮》出道的喬寶寶，近年移民蘇格蘭湊孫過半退休生活，不過搵錢唔嫌多，經常回港參與商演活動，最近再返港拍內地劇集、廣告及做周年晚宴，賺到6位數字。期間他還不忘做善事，參與慈航會舉辦嘅《夏日剪影》活動，帶歡樂畀弱勢社群的小朋友。

寶寶參與慈航會《夏日剪影》活動。

承認日久失修走晒樣

喬寶寶被指是大地主，曾帶囝囝睇天價的林寶堅尼，寶寶笑到收唔到聲：「買條毛咩，邊有錢買辣跑呀？有錢都唔使坐經濟艙飛嚟飛去搵食啦，我買貼紙畀佢就得，只不過帶電影《我的印度男友》戲中個仔成家宏見識吓啫。」

寶寶帶戲中兒子成家宏睇林寶堅尼。

提到年輕時擁有一雙電眼，跟「情歌王子」黃凱芹撞樣，寶寶承認「日久失修」：「瘦係靚仔啲嘅，肥咗係會走樣，瘦面個樣都會後生啲啦，唔係點解有咁多人Keep fit呀！𠵱家老嘞，冇晒Keep fit嘅衝勁。」他最欣賞食咗「防腐劑」嘅型男劉德華、郭富城、張學友同呂良偉：「想當年睇住佢哋大，點知𠵱家個樣仲老過佢哋！拍廣告時我仲俾人追問『預產期』？」

喬寶寶湊孫時流露住滿足的笑容。

網民話寶寶後生時同黃凱芹好似樣

喬寶寶讚劉德華食咗「防腐劑」，外貌十年如一日。

同KELLY合照

年輕時寶寶擁有一雙電眼，被指顏值更勝張繼聰。

《星島頭條》新網站有更多精彩內容：http://www.stheadline.com/