世紀暴雨│坪輋5狗遭洪水沖走 3隻生死未卜 狗主心急如焚：我真係好擔心

日前一場世紀暴雨席捲全港，多處出現嚴重水浸，有居於打鼓嶺坪輋的市民在黑雨期間扭傷腰，需要救援人員到場協助拯救，惟離開單位期間，其飼養的5隻狗不幸地被來勢洶洶的雨水沖走。經過多日搜救後，女狗主終尋回兩狗，惟另有3隻狗生死未卜，令她心急如焚，遂在社交平台發文尋狗，「我真係好擔心佢哋呀」。

女狗主肥妹行動不便，與7隻狗居於打鼓嶺坪輋一間村屋，周四（7日）深夜突發豪雨，家中的雪櫃突然塌下將她壓傷，只好報警求助。消防員到場開門拯救時，家中5隻狗被突如其來的洪水沖走，「嗰陣我都無為意，因為現場好黑，而且又多樹，直到第二日返屋企執拾時，先至發現屋企得返兩隻狗」。

被水沖走的5隻狗分別是狗爸爸「沙律」，今年10至11歲，其餘4隻狗是「沙律」的仔女，分別是「伯恩山」、「一眉」、「豆釘」、「烏卒卒」，全部都是8歲。肥妹引述街坊表示，當時坪輋水浸情況非常嚴重，水深及腰，道路亦變成湍急河流，令大家都趕不及救援，「唔洗15分鐘啲水已經去到腰，有街坊話見到其中兩隻狗不停係咁游，但最後都俾水沖走咗」。

女狗主的姐姐梁太發現「豆釘」時喜極而泣。

有市民在打鼓嶺政府大樓對開發現「沙律」蹤影。

失蹤的其中一隻狗「烏卒卒」。

失蹤的其中一隻狗「伯恩山」。

「一眉」現時被漁護署救起。

失蹤的其中一隻狗「沙律」。

陪伴在身邊多年的5隻愛犬被洪水沖走，肥妹心急如焚，只能與家姐梁太及其他親友四處尋犬，其後又在網上發文求救，希望有心人能夠「幫幫眼」尋找愛犬下落。連日來雖有不少熱心網民提供資訊，其中更有人在大埔田村附近河道發現一隻啡色狗，懷疑是肥妹走失的愛犬，但肥妹表示很多都是「流料」，「自己養嘅狗點會唔認得，嗰隻唔係我隻狗嚟，有人話喺打鼓嶺政府大樓見到沙律，但去到我又搵唔到」。

她指昨日及今日不斷在坪輋一帶尋狗，最終在香港浸會園對開尋回「豆釘」，其後又得知「一眉」被漁護署救起，之後會接牠回家安頓，「見返豆釘嗰陣好感恩佢無受傷，返到屋企仲不斷食嘢，我諗佢餓咗幾日㗎啦」。

目前「伯恩山」、「烏卒卒」、「沙律」仍然下落不明，生死未卜，肥妹指明天將會在雲泉仙館及九記士多一帶繼續尋狗，呼籲熱心市民可以繼續尋狗，讓她和3隻狗平安團聚，「佢哋平時好少出門，好細膽，加上俾水沖走，啲氣味都沖走晒，佢哋未必搵到路返屋企，如果大家見到就幫手hold一hold再通知我哋，我真係好擔心佢哋」。

---