尹天照受市道影響內地工作大減 拒拍《我和殭屍有個約會》電影版

久未在港露面的前「亞視一哥」尹天照今日（10日）與湯君慈及張文傑到九展為健美比賽擔任頒獎嘉賓，近年專注在內地發展的尹天照表示返港時大多也是回家，很少出活動。而工作方面，尹天照指內地今年市道並不好，自己有兩部劇也未能開拍續集，因審批有問題及政策轉變：「題材係捉妖怪，都捉好耐，有時得有時又唔得，但蛇又捉得。」

【相關閱讀】：58歲尹天照凸腩脹爆內地登台似唱K 酬勞屬港星墊底水平仍收呢個價

【點擊睇尹天照活動相】：

尹天照近年已鮮有在香港幕前露面。

淡出娛圈後身材脹了不少。

尹天照經常在微博分享運動相。

尹天照拍完《我和殭屍有個約會》後，有很多人找他拍鬼片，但因為信基督教，所以全都推了。

尹天照近年不停在內地登台。

身形被指越來越圓潤。

有網民翻出尹天照登台費只需5萬元人民幣。

尹天照今日（10日）到九展為健美比賽擔任頒獎嘉賓。

尹天照罕在香港現身公開活動。

湯君慈亦是健美比賽的頒獎嘉賓。

張文傑同樣是頒獎嘉賓。

三人在台上合照。

尹天照（中）避談內地台出場費。

記者問尹天照身體現時狀況，他指一直也很好。

原來尹天照會晚上10點睡覺，起床後跑7公里，跑完就去做兩小時健身。

尹天照又指自己較適合在晚上開工，因為最少可在早上去跑步，問到在香港是否有工作傾談中？尹天照指現時都只在內地拍戲：「喺國內拍嘢最多拍一組，夜晚拍嘅話朝早一定收工，但香港唔係，而家年紀大。（酬勞好好多？）OK㗎，香港演員喺國內其實都係一個演員，佢對你服侍同招呼都好好，你唔會見到有演員自己走去攞飯盒，佢哋仲會問你食啲乜去買俾你，好好，（襪都唔使自己著？）我有時覺得尷尬，話唔使，等我自己嚟。佢哋話香港演員同國內好唔同，冇架子、唔怕辛苦，冇嫌呢樣嗰樣，我心諗呢啲基本。」尹天照又笑言最初連助手也沒有，看到徐少強也是自己拿著凳到處走，但後來因「派頭」關係所以請了一個：「但見其他人有3、4個，佢哋要贏（臉子）囉。」

尹天照因信仰拒拍《殭屍》

提到尹天照有份主演的經典劇集《我和殭屍有個約會》開拍電影版，尹天照指信仰關係所以拒絕，不過之前也差點拍了宣傳片，但後來發現這對信仰的承諾有問題而沒拍：「我冇必要搵呢啲錢，我都有同老闆講希望佢明白我嘅憂慮，大家唔好因為咁有啲咩唔開心。（有冇興趣去戲院睇？）佢係咪會請我睇？」他又指聽說會找馬小玲（萬綺雯）回去拍一、兩場戲，問到《我》的演員班底全換，是否怕經典被毀，尹天照說：「唔好比，我覺得好唔公平，我哋都會拍人哋後邊嗰啲例如《天蠶變》，每個人有自己嘅演繹方法，比嚟做乜？觀眾睇落覺得順眼咪覺得開心囉，覺得有唔得係因為你將所有嘅焦點擺咗喺前面嗰部，我覺得咁樣睇唔好。」

尹天照避談內地台出場費

對於有指他在大陸登台，出場費只需5萬元，他即笑言自己也未決定出場費是多少：「但唔緊要啦，我解釋都冇意思，我喺大陸做嘢每個工作費用都唔同。」問到曾飽受類風濕痛症困擾的尹天照身體現時狀況，他指一直也很好，現時晚上10點就去睡覺，起床後跑7公里，跑完就去做兩小時健身：「早兩日袁文傑同李潤祺約我10點去飲嘢，我話你哋慢慢飲，我10點幾唔瞓每朝點起身跑步！」