【黃庭桄專欄】孕媽媽，笑哈哈

早前跟朱慧敏伉儷吃晚飯，她告訴我一個驚人消息：「我有咗BB，差唔多八個月囉，預產期係11月。」
　　
我嚇了一跳，因為在鬆身衫下，完全看不出來。
　　
「點解你咁犀利，可以瞞得咁密實嘅？」我問。
　　
「因為我都冇乜點出街，平時做網上直播，只係影住上半身，所以冇乜人知道。」朱慧敏喜上眉梢向我分享喜訊。
　　
為了紀念初為人母的難忘時光，她幾星期前特別到影樓，讓相熟的攝影師，為她拍下一輯充滿美感的藝術裸照，記取懷胎十月的感動，以作自己和小寶寶日後留念。
　　
「當我去照超聲波產檢時，見到熒光幕，心情好感動，亦好激動，睇住有個小生命喺個肚皮下面孕育中，我同陳醫生（其心臟科名醫丈夫陳良貴）都眼濕濕。」
　　
在懷孕期間，每一個準媽媽必定有一個習慣，就是會經常撫摸自己肚皮，有時BB的小手仔或腳仔撐住肚皮，準媽媽隔住皮膚接觸，這樣的互動，總教人笑著地感動流淚。
　　
「我會每朝同每晚，都同BB講早晨，佢有時會郁吓畀反應我。有次照超聲波時，見到BB將兩隻腳仔放上個頭度，十足做瑜伽動作，好搞笑。」朱慧敏的笑聲，絕對可以感染肚內的小寶寶，將來做一個快樂人。
　　
茹素的她，會不會不夠營養讓BB吸收呢？她說每日都做運動拉筋，又會跟足營養師的餐單，用植物蛋白例如藜麥、豆腐、鷹嘴豆去代替白肉。她自言十分感恩，懷孕以來，都沒有嘔吐和抽筋等孕婦常見問題出現。
　　
「梗係啦！你老公做邊行喎？」我取笑她，只見她和老公的嘴角，整晚都向上彎。