Kelly Online：女性每月難題　7招教你舒緩經痛

經痛，係每個女性都會經歷的難題，嗰種「冤住冤住」、坐立不安的痛楚，真係可以令人生不如死。究竟點先可以減輕經痛，令自己喺嗰幾日可以舒服啲呢？

1.淮山燉湯

淮山自古係天然養生補品，除咗含有澱粉及植物性蛋白質，更含豐富維他命B群、維他命C、K、葡萄糖等，以中醫角度而言亦係滋陰補陽的好藥材，有助緩解女性經痛。

2.茉莉綠茶

經期中或經期後小腹會有冷痛感，需要熱敷緩解，經血量偏少、顏色深的人可以靠茉莉綠茶溫胃散寒，舒緩經痛。

3. 飲牛奶補鈣

礦物質鈣有助穩定神經，不論係情緒不穩或焦慮、失眠，都適合補充鈣質。每日早餐飲一杯溫牛奶，可以補充鈣質，亦能減輕經痛。

4.食木瓜

木瓜特有的木瓜蛋白酶能幫助腸胃消化、吸收，性質甘平，因此女性經痛時亦能食用，甚至有助舒緩經痛，令經血順暢。

5.避免3C食物

咖啡因會令身體溫度下降，影響血液循環，從而令子宮強力收縮、造成經痛；此外，酪胺酸亦會收縮血管、子宮，造成頭痛、經痛。因此經期間建議避免攝取咖啡、朱古力呢類食物，而芝士、乳酪等含有酪胺酸的食物亦要避免，亦就係所謂「3C」(Coffee, Cheese, Chocolate)食品。

6.沖熱水涼

熱敷一直都被公認係最有效的緩解經痛方式，如果喺屋企休息的話，不妨沖個熱水涼，集中於下腹部位置及背部沖熱水，緩解不適。

7.避免著緊身衫

鍾意著低腰牛仔褲、緊身褲的朋友，喺經期期間要注意，由於肚子容易脹脹、悶悶的，如果再受服裝壓迫，可能會更容易引起不適。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。