曾志偉公開手術詳情！肚臍下方動脈置入支架 動刀難避：唔做就「唔使做」
電視廣播有限公司總經理曾志偉上月於台灣完成動脈瘤微創手術，不過其後傳出他離開TVB傳聞，雖然曾志偉當時未有在記者會現真身，但就透過直播隔空澄清，惟近日大陸網瘋傳他入股緬北詐騙集團，正被香港執法機關調查。
【相關新聞】：曾志偉手術後返港見傳媒！ 精神奕奕中氣十足 預告即將復工
【點擊睇曾志偉現真身】：
在台灣休養超過兩星期的曾志偉今日乘飛機返港，約下午約4點，身牚黑色外套及長褲的曾志偉，精神奕奕地推着行李箱步出入境大堂，全程滿面笑容，而當有主播送花給他時，更笑住話：「哇，有花呀！」，之後他走到訪問區時，沿途也笑着揮手。
曾志偉肚臍下方主動脈動刀
曾志偉受訪時首先講到其健康情況，曾志偉表示：「好多謝大家關心，一路進度良好，手術好成功順利，住了五、六日醫院，然後出院便等覆診，前日再做全身檢查，醫生非常滿意，說情況靚仔、可以返香港。」問是否一早預計會做手術？曾志偉表示：「係，醫生觀察十幾年，條血管漲咗，要睇住，否則會有危險。疫情三年無檢查，發現要做手術，明年再覆診。」
曾志偉指患處是肚臍下方主動脈，支架沒有取出，傷口則在大髀，他又指這個本來是大手術，幸好現在有微創，沒有的話就需要劏肚。問不做手術有危險？他笑說：「唔做就『唔使做』！穿咗會冇得救，冇得避，是必需要做，醫生朋友都建議做。（會再休息？）休息咗。會改日常生活如早啲訓，飲少啲，對人禮貌啲、唔好睇靚女、唔可以勞氣。自己會聽話，打波都可以，同阿倫（譚詠麟）踢波，冇乜腳法就可以，後生就未必得！」
曾志偉去台灣順道陪家人
曾志偉指手術後身體更健康：「所有指數正常返，靚仔不得了，現在11點上床，去台灣是可以順便陪家人放假。（準備復工？）復住先，有重要事要便準時返工，不重要咪遲半個鐘，雖然話乜都唔理，但其實都要zoom，如果可以zoom解決都可以work form home（在家工作）。」問到全否轉崗位，曾志偉即笑說：「轉道具？轉化妝？（係咪同同事派定心丸話自己有排做？）會叫佢哋孭重些、我輕些。（係咪唔辭職？）交咗幾封信，但彈返轉頭！」他又笑着叫TVB女主播幫他向主席要求減少工時。
對於近日涉詐騙集團的新聞，問曾志偉有否感到煩擾？他說：「做這行我從來唔睇新聞，但實在太多，內地朋友都問候，更傳埋新聞來冇得唔睇。」曾志偉又笑言這是電影《無間道》中的韓琛才會做，之後他認真說：「最憎呃老人家錢，仲話拉咗我？我都仲喺台灣！如果是藝人身份我都不回應，但有職位在身一定要處理，所以出聲明回應。」
鬧爆假新聞泛濫影響一生
曾志偉還大鬧玩在假新聞泛濫：「講真是要去面對，要同大家分享，現在太多網上假新聞，點解會誤導咁多人，其實對我影響唔太大，對於後生藝人好慘，會因為假新聞冇咗工作、好慘！其實不止這行業，假新聞害到好多人，甚至搞到小朋友自殺，佢哋整幾張相好容易，但就會影響人一生。所以假新聞會害好多人、大家唔好亂信，整假新聞的人都要問良心點解要咁做，三思三思！」曾志偉強調：「既然牽涉到犯罪我便要回應，因為假新聞有流量有人關注，大家見到假新聞唔好轉發。（採取法律行動？）之前發聲明，而家涉及詐騙同犯罪，會搵源頭查根究底，一定會告。」
提到傳言曾志偉是《港姐》司儀之一？他否認說：「我有睇，安排四位視帝，唔可以話災難級，証明靚仔未必適合做司儀，不過都知佢哋太忙，我都有講加油，今年亦有AI做司儀，想畀大家新鮮感，唔好只睇我和C君這些甩頭甩骨、靚仔有靚仔的好，睇大家鍾意睇乜，出年再諗過！」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
