陳奕迅美國開騷遭男粉絲索吻 當地物價昂貴笑言冇啖好食瘦晒

陳奕迅在昨天完成首場美國紐約《FEAR AND DREAMS》巡唱第一站Barclays Center，全場爆滿，首次到該場地開騷，Eason笑言知道美國甚麼都貴，更指自己瘦了，日日食熱狗、漢堡包冇啖好食，因自己鐘意食唐餐，7個人食越南粉叫了春卷和炒菜，埋單近300美金，自嘲被人打劫，所以多謝觀眾留錢買他的演唱會票。

Eason首次到Barclays Center舉行演唱會。

當他見到台下有觀眾舉牌「Eason錫啖」即反問甚麼意思？笑指對方是男人，引全場大笑。又有男歌迷舉著他的大頭像，還穿上十幾年前DUO演唱會的T-Shirt，Eason 看到後指著他說，「嘩，你真係真粉！件衫十幾年前啦喎，但唔好要我簽名，我個樣好核突，最重要我簽個名係自己個頭度。」為獎勵自己頭場完滿成功，完騷後翌日Eason去觀看美國網球公開網球賽，之後完成多倫多、芝加哥、洛杉磯、三藩市、溫哥華五地演出才回港，10月移師澳門舉行。

Eason落力演出。

Eason在台上跟觀眾打成一片。

2010年陳奕迅在《DUO陳奕迅2010演唱會》中赤膊自彈自唱。

當時個樣都唔係Eason口中所講咁核突啫。