張偉文鼓勵方俊出戰《全國網絡歌手大賽》成功晉身12強 落敗《中年2》塞翁失馬

「靚聲王」張偉文的經理人方俊(Aman)早前到TVB參加《中年好聲音2》，雖然被評判肥媽及網民大讚表現唔錯，可惜跟賽前被睇好嘅顏仟汶及曾參加《超級巨聲》嘅陳康健(Oil)一樣都未能晉身TVB《中年好聲音2》108強。不過，方俊未有灰心，反而在師傅張偉文鼓勵下出戰寧夏舉行的《2023全國網絡歌手大賽》，日前他在準決賽中以一曲《愛在深秋》打動評審，成功晉身決賽12強，於本月7日在寧夏決戰。

方俊成功打入《全國網絡歌手大賽》晉身12強，恩師張偉文最開心。

方俊展示打入決賽證書及獎牌，跟環星唱片老闆張國林及其女友分享。

方俊以一曲《愛在深秋》成功晉身決賽12強。

方俊參加《中年好聲音2》海選時，以譚詠麟金曲《愛的根源》出戰。

當時肥媽都讚方俊表現出色。

網民都讚方俊唱得好。

顏仟汶滿意海選時表現，惜未能入圍。

陳康健(Oil)都對自己入圍有期望。

方俊得張偉文鼓勵，表現正面。

今次成績得來不易，方俊表示，對手係來自26個不同省份經過多重篩選，其中李濤、馬楠都曾經奪得寧夏全區大賽一等獎，極具實力。同行的香港參賽者藝人，除他外還有湯俊明及前男團EO2成員彭迪安，他是唯一能打入決賽嘅香港代表，感到十分榮幸。

彭迪安(左起)、湯俊明、方俊係香港代表，出戰《全國網絡歌手大賽》。

現場觀眾反應熱烈。

賽後前輩藝人姚煒、仙杜拉、環星唱片老闆張國林都送上祝福；至於張偉文開心為他打氣，叮囑他要加倍努力。方俊開心說：「有時塞翁失馬焉知非福，我自己確實付出咗好多努力，不論得失，今次會盡力而為，堅持自己理想勇往直前，希望喺演藝事業上有更好嘅成就。我好感恩有好多位樂壇前輩得悉我進入總決賽後，致電向我祝賀及勉勵。」另，在寧夏期間方俊與湯俊明、彭迪安遊覽沙湖、黃河、沙漠、平羅、銀川等景點，又品嚐地道菜，包括出名的寧夏菜心。

姚煒為方俊打氣。

張偉文不時鼓勵方俊。

方俊參加首屆「2023寧夏•平羅全國網絡歌手大賽」。

出席快艇活動。

遊寧夏沙湖沙漠區。

坐沙漠牛巴。

參觀果園。

在寧夏平羅四處食特色菜。

寧夏菜心最有名。