黎明百無禁忌揀「1114」登紅館 相隔兩年開個唱自嘲任性

天王黎明（Leon）繼去年底在中環海濱展開兩場戶外演唱會及今年5月在澳門開個唱後，今日在官方社交網宣布將於今年11月再踏紅館舉行演唱會，Leon更透露演唱會頭場舉行日期定於11月14日，「14」取其諧音「實死」，百無禁忌，又有創意及膽識嘅Leon仲反問「頭場1114你話係咪好任性先？」

到時紅館再來萬人大合唱。

黎明開始收集意見，大家想聽佢乜嘢經典歌呢？

Leon今次紅館個唱頭場日期定於11月14日。

其後，Leon亦貼出一隻七彩兔仔戴上耳筒聽walkman的相片，並問道：「佢究竟聽緊乜？」一眾粉絲立刻踴躍留言點歌。Leon在對上一次舉行的9場《Talk & Sing 2021紅館演唱會》在2021年7月，全場劃一票價，而今次個唱名稱、場次及票價等相關演唱會資訊，則將於稍後公布，令粉絲們都非常期待。

黎明兩年前在紅館舉行9場《Leon黎明Talk & Sing 2021紅館演唱會》。

嘉賓有張敬軒。

仲有鄭伊健。

林海峰跟黎明妙語連珠。

黎明今年5月於澳門新濠影匯綜藝館舉行14場《黎明STAGE ON 8演唱會》。

為香港個唱做熱身。

黎明今年4月為環球唱片在九展舉行的《想張國榮20周年致敬音樂會》演出。

黎明去年底不懼寒風，在中環海濱活動空間出席露天演出。