【黃庭桄專欄】搞笑鬼片

新片《陰目偵信》，起用當時得令的青春派演員，既有組合ERROR，又有宅男女神譚旻萱和郭思，戇男加索女，輕輕鬆鬆一百一十分鐘，有搞笑有感動有打鬥有特技，算係咁啦！
　　
上映檔期選擇在農曆七月，食正鬼節氣氛，還以為是嚇到瀨尿的靈異恐怖片，「唔驚㗎！雖然係有鬼，但用咗電腦特技，只係一團熒光粉紅的物體，保證你睇完唔會發噩夢㗎！」同事睇完試片後，送上定心丸。
　　
老實說，這齣改編自同名網絡小說的電影，早有心理準備是胡鬧地笑一餐，誰知道野心大，想帶出的信息不少，既諷刺地產霸權，也帶出老街坊的無助和死守情懷。
　　
片中何啟華是一個安於現狀的白領，被恰到上心口也會退讓，他的人生就這樣渾噩下去嗎？一把附身了刀郎的武士刀，不斷金句連連的問他，也在問觀眾，應反思餘下的人生路如何走。
　　
肥仔梁業有陰陽眼，跟一個小女孩鬼魂為伍。為了救肥仔，女孩犧牲自己，在臨魂飛魄散時，肥仔唱出兩個人度身訂造的兒歌。此情此景，我身旁不少觀眾都喊了出來。
　　
還有ERROR拼了命去把一個個街坊拉住，不讓他們被鬼迷跳樓，亦是全片高潮位，充滿熱血，激動人心。
　　
當然有葛民輝客串，自然笑位連場，飾演紙紮舖老闆的他，弄出四個紙紮ERROR公仔，令人笑到捧腹。還有何啟華幻想跟譚旻萱纏綿親熱，搞笑之餘，大大滿足宅男的遐想欲望。
　　
在片末出字幕時，還加送彩蛋，剪輯了不少蝦碌鏡頭，惹笑程度絕不遜色，千祈咪走寶，急於離場喎！
　　
鬼不可怕，最怕只是人失去了好好活著的一團火。