初選案│鄒家成指記者會中梁晃維發言「我哋有幸進入立法會…，繼績倡議會攬炒嘅路線，逼使政府向人民低頭」

民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。被告鄒家成今（10日）早於西九龍法院作供同意梁晃維、王百羽及岑敖暉抗爭派記者會中的發言內容，透露岑敖暉曾表示「唔通政府掟幾千萬查警暴我都投反對票咩⋯⋯」鄒家成交代自己要求政府回應五大訴求，若不回應才會投票反對財案，「唔一定要五個齊晒」。

大律師陳世傑主問下，鄒家成憶述自己前夕受邀出席2020年7月15日抗爭派記者會，惟忘記邀請來自張崑陽、黃之鋒還是岑敖暉，對方邀請非傳統民主派人士初選勝出者出席，記者會假旺角學聯辦公室進行。鄒家成同意抗爭派記者會旨在答謝選民及向泛民伸出橄欖枝，當日早上眾人才商討記招內容，一同草擬聯合聲明，各人均同意最終內容。鄒家成指記者會中的問答環節則各說各話，眾人事前有共識問答環節中有意回應者均可發言，發言者不代表其他人。

陳世傑引述記者會中梁晃維發言指「我哋必須強調他日一旦我哋有幸進入立法會，無論我哋係對政府嘅提案定係財政預算案去投下反對票，呢一個都係我哋作為代議士嘅一個合法嘅權利，而我哋亦都唔會迴避，我哋亦都繼績提倡議會攬炒嘅路線，係逼使政府係向人民低頭」；岑敖暉指「如果香港係已經係落實咗五大訴求，如果係有真普選嘅話，我相信呢我哋係會有磋商嘅空間，但係如果仍然今日係暴政當道、魔警橫行嘅話，我相信我哋係無論咩嘢內容都係會否決呢一個財政預算案嘅」；王百羽指「財政預算案我哋係堅決反對，如果冇五大訴求」。

鄒家成重申自己立場為「如果財政預算案我見唔到五大訴求嘅內容，我個人都係會投反對票」。鄒家成同意梁晃維、王百羽及岑敖暉發言內容，回想記者會後岑敖暉曾表示「唔通政府掟幾千萬查警暴我都投反對票咩⋯⋯」故理解其用意並非主張無差別否決財案，而是要求政府回應五大訴求，若不回應才會投票反對，「佢唔一定要晒五個先投反對票，佢唔一定要晒五大訴求先同政府傾」。鄒家成補充指自己投票的決定性因素為五大訴求，但「回應已經夠，唔一定要五個齊晒」。《香港國安法》指定法官陳慶偉追問不是「五大訴求，缺一不可」嗎？鄒家成指口號背後精神並非要求一步登天，而是政府回應部份訴求後仍鍥而不捨，繼續爭取。鄒家成另解釋曾發言指「極權」，意思為「一種不受制約嘅有權勢者欺壓冇權勢者嘅狀態」。

法庭記者：陳子豪

---