獨家丨嘉盈Po晒胸相純自娛狂推性感Job 網紅踩入電視圈惹負評嚇親

網台「熊仔頭」成員嘉盈（王嘉盈），去年開始在ViuTV節目老是常出現，她講到明跳入主流媒體為偷師，曾因大膽言論惹來負評，現已學識小心講嘢。因為經常上載性感相大晒33E好身材，嘉盈曾獲邀請演繹性感角色機會，但當事人推晒，以為嫌錢腥原來因為控制權，25歲相當識諗。採訪：杜杜

嘉盈雖然言行大膽，但揀對象好小心，仲講明唔會收兵。

嘉盈稱拍電視為偷師，很多技巧對拍網台節目有幫助。

想偷師的嘉盈對電視圈相當好奇，「譬如製作上嘅效率，點解轉機位可以咁快，點樣統籌綜藝節目，我都會反思網媒做唔做到？同埋我希望用網絡身份拍主流媒體嘅嘢，令到只睇電視嘅觀眾，會發現網絡嘅人可以咁樣玩！從而留意返網絡嘅嘢。」對於連電影都撈埋，她稱是用謙卑態度客串，「我覺得自己仲係觀眾，只係好奇去睇吓， 唔覺得自己涉獵在內。」

嘉盈出身網台「熊仔頭」，形象言行都誇張大膽。

嘉盈早前同許賢拍檔，為ViuTV主持真人騷《癮營人》。

為喜劇唔介意扮AV女優

嘉盈去年首次參與《姊妹們的國際巿場》節目即出事，因為真性情引來大量負評，她坦言嚇親，「訪問時導演問我『如果啲男仔淨係鍾意你大胸咁點呢？』我就答『如果佢話唔鍾意我身材先至覺得佢假』，我一向對於大胸或身材嘅問題，都係幽默咗佢，太謙虛答會好假，但有人將呢句嘢cap圖，淨睇字幕會覺得寸，跟住有人整咗好多農場文，我俾人鬧到黐線。」當下她才發現做網台同電視有好大分別，「訂閱我頻道，就係鍾意睇我嘅風格，但電視唔係嘛！扭開就睇到我，我忘記咗呢樣嘢，𠵱家做節目講嘢會攞個平衡，修飾少少字眼，但立場唔會變。」

嘉盈在《姊妹們》有好多金句，有心人Cap咗圖，令她被洗版式狂鬧。

嘉盈在《極度俏郎君》演AV女優，仲同193有咀嘴戲。

對於經常在社交平台晒性感相，嘉盈解釋只是覺得靚，並非想走性感路線，「我揀過晒先post，當然我預咗會有咁嘅反應，等如我着得性感出街一定有人𥄫。」由於控制權不在自己，所以已推了多個性感演出機會，「我唔知人哋會點整我。」講到肯在《極度俏郎君》演AV女優，全因劇種。「喜劇加上又係配角，喜劇係建於荒謬，會好誇張容易啲拿捏，本身對喜劇好有興趣，好想去偷吓師。」

擁33E好身材的嘉盈，唔介意同網民分享性感相。

嘉盈早前首度推出，圖文並茂散文集《KAYING’s Wordings》。

《星島頭條》新網站有更多精彩內容：http://www.stheadline.com/