選美考古丨85年港姐冠軍謝寧係首位內地出生佳麗 曾被改花名「謝燦」獲才子反擊
近年香港小姐出現了一個現象，有佳麗從內地來港，在參選初期未必說得一口流俐廣東話，反而夾雜說國語和英語，雖然網民覺得這情況有點古怪，不過這些佳麗努力練習廣東話，到比賽當日確實感覺下了不少苦功。不過即使廣東話字正腔圓，但仍然有各種因素而成為焦點，1985年港姐冠謝寧，成為第一位在內地出世的港姐，試過被人叫「謝燦」。
【其他文章】：選美考古丨84年港姐冠軍高麗虹與洪金寶發展師徒戀 為一事堅決不生育
【點擊睇謝寧昔日照】：
謝寧曾經在訪問上說過，因小時候從內地移居香港，到了21歲參選1985年香港小姐，成為第一位在內地出世的港姐，雖然廣東話字正腔圓，但依然因身份遭受歧視，試過被人叫「謝燦」，謝寧說：「其實讀書已經畀人咁樣叫『燦妹』，細細個嗰陣梗係唔開心，而家睇番咪覺得得啖笑。嗰陣霑叔 （黃霑）真係好nice，佢喺報紙寫咗段文，覺得你哋呢班人嘅父母有邊個唔係喺內地落嚟？邊個有資格咁講？而且內地好多人嚟到香港都有好多貢獻，點解要用呢啲字眼，我之後見到霑叔都有多謝佢，不過我都冇理佢哋，只係做好自己本份。」
參選絕非因為名與利只為好奇
事實上當日謝寧參選，絕非因為名與利：「我唔識呢啲嘢，我記得嗰陣係好奇，加上做秘書同教琴嘅生活好苦悶，我成日覺得做人要靠自己努力，唔係要等人安排，所以咪決定報名試吓，純綷選完港姐便離開，我仲記得嗰陣嘅獎品係有一架車，諗住攞咗架車就走人！」在宣佈得獎一刻，謝寧興奮程度排得住師姐林良蕙，真我性情盡流露，但依然不及后冠搶眼。
事隔多年，有指謝寧當時的后冠由玻璃製成，直到1995年開始，才正式獲得珠寶商的贊助，謝寧大方承認並解釋：「其實屆屆都係玻璃，剩係有一年真係鑽石，不過幾多錢就唔知，我亦都唔記得係邊屆，其他咁多年都係玻璃或者會水晶，玻璃已經變晒色，權杖都係。」她更承認「跌落地會爛晒」：「係甩頭甩髻，之後嗰幾年有人係有樓，我就冇。嗰啲珠寶公司贊助攞獎品其實都冇意思，同上獎門人攞獎品差唔多，你知嗰啲鑽石可以唔值錢架嘛，細細粒幾百粒嗰啲迷你鑽石，佢話做個心口針畀你，價值幾多十萬，但係問題係賣唔出，除非你拆咗佢，不過點都好有紀念價值，到依家我都有keep 住。」
與岑建勳維持14年婚姻仍敢去愛
謝寧卸任後迅即被安排在重頭劇《楊家將》飾演楊伍娘，接着在《狄青》擔正做女主角，本來發展不俗，但在1991年，謝寧與岑建勳結婚後退出娛樂圈，婚後育有兩女，不過到了2005年，突然宣布分居，維持14年的婚姻告終。其後謝寧表示前夫不解溫柔，令失去自我，因為信仰關係，擔心離婚會對囡囡童年造成陰影，所以才拖了這麼久，最後認清對前夫不是愛情，只有兄長崇拜之情，二人終和平分開，成為另一種家人，至今仍然不時聚會，接着謝寧復出為TVB烹飪節目《為食救兵》和電台節目做主持，在2010年與拍拖多年的王德偉結婚，成為幸福人妻。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
