【黃庭桄專欄】百鬼夜談

公司同事梁文威，暱稱威師兄，一向負責《東周刊》的玄學版面，每年農曆新年，亦由他一人獨力製作隨書附送的《行運東勝》，可算是資深玄學人。
　　
近年我在東周網開設靈異頻道，交由威師兄負責，定期訪問演藝界朋友有何撞鬼故事，如此這般，儲下了過百個要幾猛有幾猛的真人真事恐怖經歷，真的想起都毛管戙。
　　
今年威師兄精選了其中一百個明星鬼故，包括羅家英、薛家燕、惠英紅、朱晨麗、麥玲玲等等，結集成書，名為《百鬼夜談》，自資出版，交由「星島出版」推出。
　　
書名的由來，是源於日本傳說《百物語》，相傳當講夠了一百個鬼故，就會有怪事發生。「所以我想試一試。」他真的膽生毛。
　　
威師兄聽得多也寫得多鬼故，自然容易有相應的頻道，令他跟靈體搭上，親身體驗一下撞鬼。
　　
就在年前的一個午夜，他在公司影樓訪問幾位藝人的撞鬼經歷，之後送他們經過一條燈光比較幽暗的長廊，乘電梯離開。沿路上一位女藝人隨口問：「威師兄，你成日拍咁多鬼故，驚唔驚鬼㗎？」
　　
「梗係唔驚啦！都習慣咗。」他答完之後，都知道可能衝口而出講錯說話。
　　
目送藝人們離開後，他一個人返回影樓執拾細軟，穿過長走廊時，明明四野無人，忽然在他耳邊，響起一把女性的溫柔聲音：「你真係唔驚鬼？不如我嚟搵你好唔好？」他馬上嚇得唸起密宗心咒定驚。
　　
宇宙之大，人類之渺小，我們即使窮一生，能探索幽冥界之奧秘，又能有幾多？
　　
死後變鬼這麼遙遠，還不如做好這一生人吧！