沈震軒瞓身用老婆本搞生意 與女友陳欣妍合資健身中心唔怕有拗撬

沈震軒（Sammy）與女友陳欣妍（Shirley）投資的健身中心，今日舉行開幕獲一眾圈中好友李倖倪（Gin Lee）、栢天男、唐文龍等到場祝賀。Sammy透露今次投資健身中心連同女友共5位股東，投資近千萬元，更解釋本身想在演藝事業外經營生意，加上跟女友同樣熱愛運動，希望做一門生意能夠令人聯想起他和女友。談到發展大計，Sammy坦言第一步開設健身中心，稍後也想做餐廳及美容產品生意，希望健身中心在全世界及加拿大也有分店。

沈震軒與女友陳欣妍一起投資健身中心。

兩人齊齊合資做生意。

健身中心今日開幕。

問到是否揼老婆本去投資？他笑言跟女友要一齊努力，雖然不少人認為不要跟另一半做生意，但他反而覺得會有默契。他說：「我哋感情基礎好，先至夠膽一齊做生意，如果唔係死緊。」雖然要兼顧幕前工作及建身中心生意，但Sammy直言與女友也獲得雙方的公司老闆支持，去年他加入新公司，老闆得知他想做這門生意，還叫他幫忙為同公司藝人操身形。 

多位朋友到賀。

股東們齊合照。

開幕現場好熱鬧。

飲杯香檳先。

型男栢天男、唐文龍到賀。

Shirley透露會為素人朋友操身形變靚，雖然對方身形睇落肥過細細粒（陳嘉佳），但對方相當有恆心，每晚也前來操練身形。她說：「我好想佢有返自信，𠵱家開始練咗三星期，我哋會每隔3個月睇吓個效果。」

沈震軒身形好Fit。

沈震軒跟女友同樣熱愛運動。

沈震軒及索女友陳欣妍感情穩定。

沈震軒家中設有豪華健身室。

Gin Lee減肥法：睇咗當食咗

Gin Lee表示拍MV前或有新計劃的話，便會斷食兼做運動保持身形，但不會閉關拒絕出街。她說：「我會照樣出街，叫朋友食嘢唔使理我，我自己飲水就得啦！我已經練到另一種境界，見到朋友食嘢，喺腦海中當自己食咗！」她笑言希望獲得該健身中心贊助，屆時想操練馬甲線為先，而最滿意是自己的鎖骨位。談到可有興趣做生意，她自認數學差，但也想嘗試創業，若然有機會想開一間以貓為主題的Cafe。

Gin Lee經常睇咗當食咗。

Gin Lee想操到有馬甲線。

Gin Lee注重身形。

Gin Lee每拍MV前，便會斷食兼做運動保持身形。