【曾智華專欄】《本日公休》體驗版

上月睇咗一套台灣片《本日公休》，非常有感受，念念不忘戲中有情有義的理髮店老闆娘，以及所宣揚的哲理。
　　
這類由中年婦女（55歲到70歲）經營的老式理髮店，多有四十年以上歷史，老闆娘多年輕時期開始入行，視之為終身的職業。
　　
香港很難找到老式理髮店，就算有，都沒有台灣式的味道。
　　
最近到台北，我專誠走到老街中尋找理髮店，噢，原來仍有不少！幫襯的客人多是60歲到80歲的「老男人」（哎吔，一個唔覺，我已入咗組），當然熟客為主。
　　
這類形式的店，以香港人現今的心態及習慣，一定無法接受。即係點？踏入店內，傳來的是上世紀50年代至70年代的台灣歌或音樂。
　　
全部理髮椅皆有五十年以上歷史。嬸嬸理髮師非常有禮貌，似足「你阿媽」，用噓寒問暖口吻服務，先奉上熱毛巾（香港一定唔掂，因不知幾多人用過！尤其疫情之後，更避忌），替你抹面。然後，邊剪髮邊與你閒話家常，非常親切。
　　
洗頭之後，拿出剃鬚刀，在你面上細心慢慢小寸小寸式剃。不慣者可能嚇到腳軟，因怕嬸嬸會突然手震也！
　　
由第一條熱毛巾開始到剃完，前後用咗五條毛巾，怕傳染？千祈咪來幫襯！
　　
之後最舒服部分開始，替你由頭頂按摩，落到肩膊，熟練非常，日子有功，你的筋骨問題及穴位所在，佢全部掌握。
　　
全套服務完畢，我開始了解為何「老男人」會一生跟隨一位女理髮師，而嬸嬸又為何會對客人有深深感情，就如片中的陸小芬，願意掛出「本日公休」，專誠休息一天，跑到鄉間為老顧客剪臨終的最後一次頭髮。
　　
這種人情味，新一代台灣及任何時間的香港，也不會出現！