搭小巴欠5毫車資爆衝突 大媽畀500蚊要司機找錢 再報警稱被非法禁錮｜Juicy叮
一名中年女子搭乘公共小巴(紅Van)時，因欠5毫車資與司機爆發衝突，由於車內不設八達通，大媽拿出一張五百元紙幣要司機找贖，雙方因此發生爭執，司機竟閂門照開車，而大媽則報警稱遭非法禁錮。
事件的車cam影片在網上瘋傳，引發熱議，不少網民憑影片中一件事，風向逆轉指司機可能有錯在先。
大媽搭小巴欠5毫車資爆衝突 風向逆轉司機有錯在先？｜全程逐格睇↓↓↓↓
在長近30分鐘的車cam影片，開頭見到該名中年女子正拿著電話報警，並要求司機停車，不過司機拒絕表示因為有其他乘客會駛去黃大仙總站，叫警員到總站等。
該女子在片中表示，搭乘小巴要去旺角，下車時車資要8元5角，由於車內沒有八達通，以現金付款尚欠5毫。
大媽點算找贖 司機閂門照開車
女子表示，在找尋散銀時被司機辱罵，於是拿出一張五百元紙幣要求找贖，結果司機找了一大堆五元、十元、二十元的散紙，大媽點算時竟閂門照開車，大媽在車中報警時，向警方表示稱遭非法禁錮。
該女子似為該路線的常客，她在片中批評該司機的態度一直很差，時常罵乘客，「個個上車落車都要畀佢鬧」，「佢哋態度衰到無比敵呀，我未見過咁衰格㗎！」
「個個上車落車都要畀佢(司機)鬧」
「我大把時間，你以為個個都畀你恰，我真係唔警戒你呢啲衰衰格格嘅人，你真係唔知乜嘢叫做公允。」該女子又罵該司機是「乞兒」「廢柴」，她其後向警員表示要求司機道歉。
司機在全程則以「新移民」揶揄女子，他其後在警員到場時表示車費原本要8元6角，他見女子沒有散銀，已減收1毫，改為收8元5角。
「(佢)阻住人搵食」
他解釋女子在數找贖碎銀時，「死都唔落車」，「佢同你慢慢數，5分鐘都數唔完」，「我旺角有一個客上車」，「(佢)阻住人搵食」，車cam片在警員到場調查後完結，未知後續發展。
不少網民對事件議論紛紛，部分網民撐司機：「您明知無得八達通..係咪一早要拎定車資？？您無散紙要同司機講定嫁..八個半就係八個半。」
「準備零錢搭車，不嬲都係乘客責任。」「 差5毫攞張$500，淨係呢個動作，佢已經唔會係好人好者啦。」
網民：cut走前傳 默認自己有錯？
不過，部分網民則指車cam影片沒有「前傳」，該女子指稱被司機辱罵，但司機放上網的車cam片卻刪走最關鍵的前因部分。
「冇前因後果......你只係出對你最有利嘅片段，算吧啦。」「即是默認自己有錯，所以先唔放埋佢鬧人嗰部份。」「係囉，之前你鬧人嗰啲呢？你淨係畀後面嗰啲，評論唔到喎！」
「冇前有尾，如果真係有道理唔該司機大哥擺晒成條片出嚟啦......下下都話人哋新移民新移民，玩歧視咩？咁樣睇落我會撐阿嬸。」
「開頭司機一定是錯剪走了......(出街)全部對自己有利片段。」「我就唔信條片成30分鐘會影唔到前傳。」
----
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
