独家丨“亿万驸马”伍富桥被老婆调教到化境 多谢网民闹佢畀Like食软饭恶评
伍富桥（Alvin）最近推出新歌《很多很多份之一》，以跟太太梁兆楹（Shirley）的爱情故事作蓝本 ，顺道庆祝结婚周年。由于老婆的亿万千金背景，Alvin由2022年2月公开恋情至5月闪婚以来，收到大量恶意批评。Alvin坦认最初好介意，后来太太安慰他，现在有大屋住有老婆锡的他，你有你耻笑，佢有佢好好享受富贵婚姻生活。对被封“亿万驸马”，他笑言“驸马都有女婿嘅意思。”见到网民留言嘲笑仲会畀like㖭，叻仔，识玩㖞。采访：杜杜 摄影：朱伟彦 发型:Anthony Wong 化妆: Kyo Lee
Alvin早在3年前已收到《很》的demo，但仍未想到主题，直到年前遇到Shirley更闪婚，就决定用两人的爱情故事，“记录低我人生进入另一个阶段，对婚姻、爱情的一个写照。”
爱情故事由睇唔顺眼开始
唱片公司最初打算邀请Shirley出任MV女主角，“佢唔制啦！佢系圈外人都唔想佢出镜，会影响到生活，唔想勉强佢，但最尾都决定摆返合照上去，始终系讲我同太太嘅故事，有我哋嘅相好似圆满啲。”虽然Shirley冇份拍MV，但化身美食大使支持老公，“佢前一晚准备咗好多泰式捞海鲜畀我带畀工作人员食，去到健身室拍佢又上嚟万岁请食汉煲包同饮珍珠奶茶。”
MV中，Alvin跟饰演其太太的杜以辰，由最初睇唔顺眼到挞着，正是他跟Shirley的写照。两人早在2016年已于TVB娱乐新闻台共事，当时任主播的Alvin性格太被动，连招呼都唔打，令身为助理编导的Shirley觉得他好冇礼貌，印象极差，直至2021年两人再重遇，“朋友带佢上嚟我健身房教佢做gym，佢上到嚟大家都客客气气，之后我哋先真正认识，就系咁奇妙。”
网民开心就得真系冇所谓
Alvin在2022年2月2日（年初二）首次公开Shirley的女友身份，女方的亿万富豪千金身份极速被起底，家族有两间麻将馆，其父从事物流和食品等生意，家住超过5千呎的西贡独立屋，市值近二亿。直到3月14日，Alvin宣布求婚成功，并于5月8日注册，因为流程太快，讨论区洗版式嘲笑男方“好快手㖞”、“男人的梦想”、“分身家就和味”、“我都想食软饭”等等，总之人人都想做富仔。Alvin老实表示最初跟老婆都好嬲，后来是太太先安慰他，“佢比较成熟，好快就调整到心态安慰返我，叫我唔使理外界声音，我哋生活过得好，同外父外母都相处得好，已经够！”Alvin被老婆调教到化境，他坦言：“佢哋有讲嘢嘅权利，唔到我哋控制，但我哋亦唔一定要睇呢啲批评，校正心态，呢年几两年我已经惯咗。”
话咁快结婚一周年，酸民留言冇停过，特别是Alvin上载晒命PO的时候，他觉得最对唔住屋企人，“对太太屋企人唔系太公平，佢哋系圈外人冇义务去接受呢啲批评，对佢哋有啲愧疚，所以继续做一个好女婿，好老公去补偿佢哋。”对于被封“亿万驸马” Alvin就有咁嘅睇法，“驸马都有女婿嘅意思，做得公众人物可以有好多个名，我之前拍《法言人》演自闭症患者叫‘启年’，我太太都叫咗我两个礼拜，哈哈！所以冇乜所谓，佢哋嗌得开心就得。”他更会在恶意留言上点赞，“话‘碗饭好腍呀’我会Like㗎！多谢你关注我囉！有啲人冇follow我都会入嚟闹我，都要多谢你，所以咪Like佢囉！唔通我Like佢都闹我咩。”不过他强调不会有任何回应，以免引起骂战，“有乜好闹啫！大家又唔识。”
Alvin近年较少幕前工作，他强调绝非唔忧做，只是想减少拍剧，将工作重心放在健身中心的生意上，“教学生好难分身，再加上做咗人夫同女婿，要开始谂生活，冇理由摊大手板乜都唔做㗎嘛！出面啲人点讲都唔紧要我知自己做紧咩，我有攞钱返屋企已经够，亦都令我将重心偏向喺生意多啲。”
《星岛头条》新网站有更多精彩内容：http://www.stheadline.com/
《星岛申诉王》100集诞生之我最喜爱影片票选，由6月16日至6月30日，玩游戏赢取总值超过10万丰富礼品！
立刻点击投票👉🏻https://tinyurl.com/38dfzwtv
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
