【黃庭桄專欄】單身原因

我有一個單身多年的男性朋友，中產，家底清白，樣貌當然不是高大靚仔，也不至於面目可憎，但不知為何，總是孤家寡人，沒有拖拍。
　　
想墮入愛河嗎？「恨到流口水呀！你有冇好介紹？」看他一臉認真，就姑且安排一次大夥人的聚會，食餐飯，再飯後餘興唱K，增進感情。能否合眼緣？看造化吧！
　　
一餐飯，話題不外乎風花雪月，分享一下哪裏的火鍋又平又正？日本哪兒浸溫泉最爽？哪個醫學美容最新技術值得信賴？輕輕鬆鬆，嘻嘻哈哈，就此便消磨兩、三小時。
　　
如果男人口才好，談笑風生，偶爾拋一兩個笑話，逗得女孩子們捧腹大笑，自然令人有好感，為發展下去的機會播下種子。
　　
但我發覺，那個單身朋友，原來是話題終結者。
　　
一來他沒有幽默感，二來太嚴肅理性，任何話題落到他口裏，都會變成大學論文，往往一本正經地探討醫學美容的禍害，或者火鍋其實完全冇益，有損健康，你說多掃興。
　　
大佬呀！其實誰會喜歡跟一個悶蛋吃飯？朋友公餘聚餐，不外乎求開心，減減壓，吹水的話題通常吹完便算，何必太認真，誰想每一餐飯，都像學術研討會呢？
　　
當成圍枱的氣氛，都變成坐在課室裏聽教授講學，我寧願馬上埋單，回家好好睡覺，發一場好夢吧！
　　
他想揀女朋友？還是靠實力保持單身吧！不得不相信，性格真的是決定命運的。