父親節丨18歲炎明熹開綠燈隨時可以拍拖 感激四姑丈照顧來港後生活：冇佢就冇今日！
今天是父親節，雖然炎明熹（Gigi）與爸爸分隔兩地生活，不過感情十分好，而她自小由姑丈和姑媽照料長大，姑丈更加充當保母陪她出入，所以她趁着這節日，感謝爸爸和一眾姑丈們：「沒有你們， 便沒有今日的炎明熹 。」
【其他文章】：18歲炎明熹「禾桿冚珍珠」原來係有料之人 白色小背心晒曲線身材勁吸睛
【點搫睇炎明熹與家人合照】：
早前炎明熹接受車淑梅主持的《舊日的足跡》 訪問，炎明熹趁機感謝爸爸和一眾姑丈們： 「 我有五個姑媽， 帶大我嘅係四姑丈， 而最近大家見到嘅係是五姑丈，佢哋都將我當係女咁錫，真係好幸福滿瀉！」原來炎明熹的爸爸是一名 跌打 醫生，曾在鄉間有診所，本來她對跌 打都興趣，但可惜傳男不傳女，於是小時候希望和媽媽一樣做護士。炎明熹之所以有今日，最大功臣竟然是四姑丈，她直言沒有他，大家便不會認識到炎明熹：「嗰陣睇到四姑丈同姑媽拉住行李話要離開汕尾去香港，我咪話要跟住去，由幼稚園至初中，我都係同四姑丈一齊住，後來為咗方便學唱歌，就同五姑丈同姑媽一齊生活。 」
小小年紀便與父母分開
不過由為小小年紀便與父母分離，炎明熹坦言當年也有不開心的時候，試過晚上一 關燈便會在床上哭，後來明白到父母要照顧爺爺嫲嫲和弟妹，所以學懂珍惜大家見面的時光。已經18歲的炎明熹，下月19日是 DSE放榜日，炎明熹被問會否先做歌手再升學？她說：「我同屋企人商量過，希望一邊讀書，一邊唱歌。唱歌係我熱愛嘅嘢，做起嚟會有幸福感，讀書都係需要嘅嘢，本來我有諗過讀演藝學院，不過我鍾意畫畫，可以增加我嘅想像力，如果有一日我唔做歌手，相信可以做一 個優秀嘅時裝設計師，所以而家心儀理工大學嘅時裝設計課程。」
未有想過被稱為樂壇小天后
炎明熹出道後火速走紅，但她笑言從沒想過有這樣的成績，一心只想像媽媽一樣當護士：「 我本來係一個冇目標嘅人，多數係將屋企人畀給我嘅目標當成自己嘅目標，令佢哋放心等我 前行。而家我對自己嘅要求高咗，現階段係先要唱好啲歌！」已經成年的炎明熹亦被問感情問題，她笑說：「其實乜嘢類型嘅男仔都冇所謂，緣份到咗擋都擋唔住，我嘅理想伴侶係一個好人，鍾意我多過我鍾意佢，而且一定要孝順，幾時拍拖也冇所謂，而家都可以，不過我暫時未遇到。」
至於被封為「吸金小天后」，炎明熹說：「冇錢唔得，但唔係有錢就乜都得，所以我唔會太聚焦喺金錢上，費事影響自己。四姑丈同爸爸媽媽教我要儲錢，佢哋送咗一個有密碼嘅錢箱畀我，但係我對錢唔係太敏感，會請長輩幫我理財。」她又稱不知道現在有多少積蓄，目前注意力都集中在下月的放榜日：「我喺校內各科嘅成績都好平均，只係數學比較差，但今次公開試，我用咗自己嘅思維邏輯，『搞一搞、算一算、做一做』，我好有信心！」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
