57歲詹瑞文喪偶後首現身 提亡妻Amenda哽咽：點解咁短，可唔可以長啲？

57歲詹瑞文（現名詹昊宸）的現任太太Amanda在今年4月驚傳離世，不過詹瑞文一直未有回應。今日他在自家YouTuber Channel開live，他坦承Amanda於去年年底確診癌症，最後4個月體驗到寶貴的事，人生要有希望同愛。他還稱：「佢喺我生命嘅影響，比我預期仲大，呢個係我嘅幸運，可以畀我接觸到呢個咁美麗嘅靈魂，係上天賜畀我。」

【相關閱讀】：詹瑞文傳喪偶丨現任Amenda傳介入「踢走」甄詠蓓  結束20年婚姻女兒隨母生活

【點擊睇詹瑞文與Amanda】：

活躍於劇場詹瑞文，後來投身影壇拍過多部電影。

 

《我要做Model》婚禮拆人情橋段是經典代表作。

 

《我要做Model》婚禮拆人情橋段是經典代表作。

 

曾將其舞台劇作品《潮性辦公室》搬上大銀幕。

 

曾將其舞台劇作品《潮性辦公室》搬上大銀幕。

 

《戲王之王》與阿Sa合作。

 

2014年與梁洛施合作舞台劇《快樂勿語》。

 

2014年與梁洛施合作舞台劇《快樂勿語》。

 

近年詹瑞文拍過電影《大盜演》。

 

亦有演出內地作品。

 

詹瑞文早年與同是舞台劇演員的甄詠蓓結婚，二人育有一女。

 

不過在2012年詹瑞文與Amenda發展婚外情，翌年跟甄詠蓓離婚收場。

 

女兒由甄詠蓓撫養。

 

詹瑞文在2012年與有夫之婦的同事Amenda發展婚外情，後來詹瑞文與甄詠蓓離婚，Amenda正式坐正。（東周刊圖片）

 

詹瑞文在2012年與有夫之婦的同事Amenda發展婚外情，後來詹瑞文與甄詠蓓離婚，Amenda正式坐正。（東周刊圖片）

 

Amenda近日傳出離世，有指詹瑞文深受打擊。（東周刊圖片）

 

去年4月，本報曾拍到詹瑞文夫婦與江若琳、蕭唯展（Oscar）夫婦飲茶。

 

當時Amenda好好傾與Oscar。

 

當時Amenda好好傾與Oscar。

 

詹瑞文今日他在自家YouTuber Channel開live。

 

他坦承Amanda於去年年底確診癌症，最後4個月體驗到寶貴的事，人生要有希望同愛。

 

一度感觸落淚。

 

今次是詹瑞文傳出喪偶後首度現身。

 

詹瑞文珍惜自己人生的選擇。

 

詹瑞文更忍不住哭：「有一瞬間都覺得點解咁短，可唔可以長啲呢？」

 

詹瑞文話會好好照顧自己。

 

今次是詹瑞文傳出喪偶後首度現身，一身素色打扮的詹瑞文，與蔣怡齊齊分享這些日子的感受，他說：「好多人好關心我嘅婚姻狀況，離婚對我嚟講，係一個人生嘅轉變，呢個轉變對我嚟講，係要面對佢，係我嘅人生轉變必要經歷階段。如果我唔去面對呢個人生經歷，我就逃避咗嗰一件事，而我當時我覺得我嘅人生係要去另一個階段，暫時停咗同前妻嘅關係。」

其後詹瑞文與Amanda發展另一段關係，面對外間的負評，詹瑞文稱沒有辦法逐一解釋，反而很珍惜自己人生的選擇：「喺過去嘅10幾年裡面，係我人生好精采嘅一部份，好豐富。Amanda係我過去呢10年生活得最密切嘅人，佢喺我生命嘅影響，比我預期仲大，呢個係我嘅幸運，可以畀我接觸到呢個咁美麗嘅靈魂，係上天賜畀我。」他又說：「Amanda好低調嘅人，面對負面嘅批評，有啲朋友都叫我哋不如講下，但係佢佢只係話『唔緊要，我清楚知道自己做緊啲乜嘢』，呢樣令我好敬佩，反而有時我會戥佢唔抵，好想表達，不過都尊重佢。」

詹瑞文透露去年年底Amanda證實患上癌症：「嗰陣係好shock，完全冇諗過會發生呢啲事，喺最後嗰4個月，我哋都體驗到人生好重要嘅一樣嘢，就係希望同愛。」他又說：「好多人好關心一個對我咁重要嘅人，走咗會點？會唔會好頹廢，但係我覺得自己好識照顧自己，但係都知道我嘅悲傷，係處理唔到件事，喺呢四個月入面，係學習到用愛，要愛我自己，愛我哋嘅朋友同親人，基本上用感恩去將哀傷緩解，好感恩我嘅人生可以遇到佢，同埋喺一齊生活嗰10年，每一天都咁濃烈。」詹瑞文更忍不住哭：「有一瞬間都覺得點解咁短，可唔可以長啲呢？我哋仲有好多嘢想做，不過個念一轉，我唔係要捉啲嘢唔放，係要珍惜擁有嘅嘢。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。