專欄｜挪超新勢力　白蘭恩善強攻

上星期講到嘅波杜基林特，上場聯賽作客以3比1輕鬆擊敗華拉倫加，各項賽事9連勝，可以話氣勢如虹。至於今個星期，艾爾就講下今季升班嘅白蘭恩。

位於挪威第二大城市卑爾根嘅白蘭恩，自從2007年攞過挪超冠軍後，成績一落千丈，2014年同2021年更加試過降班。不過，球隊知恥近乎勇，上季以81分攞到挪甲冠軍，更加攞到歐協聯第三圈外圍賽資格。今季10戰6勝2和2負，暫時排聯賽榜第2。

數據上某程度反映到白蘭恩進步嘅原因，教練艾歷漢蘭特（Eirik Horneland）主打433陣式，非常著重控球同傳球，聯賽10戰場均傳球次數達516次，控球率63.2%都係聯賽之冠。除咗控球之外，射門次數同樣唔少，10場聯賽場均有14.6次射門，場均xG有2.2球，都係排聯賽第1位，進攻相當有侵略性。

球隊10場聯賽只有2場無波入，7場賽事總入球多過3球，特別留意前華拉倫加前鋒拜特芬尼，暫時入9球係球隊神射手。今次番到主場對同樣有入球能力嘅利尼史特朗，賽前推介全場入球大細3.5大。艾爾

-----

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。