东张西望丨区永权以苦主身份报《东张》 采访时再现高空掷物:入少少,我真系惊
《东张西望》主持区永权在节目中报道过不少观众遭恶邻滋扰问题,没想到区永权接受网民建议,以苦主身份报《东张西望》。区永权早于去年起,已多次就露台现“天降”杂物,曾多度与楼下住户理论,亦找管理处投诉,可惜情况没有改善。日前区永权第4度控诉恶邻居高空掷物,今次更有多达逾10粒的玻璃碎,令他有感事态严重,已报警求助。区永权在节目中以苦主身份向主持魏柏豪吐苦水,其间就再见露台有新的高空掷物出现,非常得人惊。
【相关阅读】:区永权第4度遭恶邻高空掷物!露台惊现成地玻璃碎 遭劝揾《东张西望》:自己访问自己
【点击睇区永权以苦主身份报《东张》】:
区永权表示:“我住咗差唔多10年啦,间歇性都有一啲高空掷物事件发生嘅,喺呢一两年更加犀利,试过喺露台你后面呢个位置,有一把遮跌咗落嚟,连成块砖俾佢插爆咗,呢个其实系(佣人)姐姐干时晾衫或者做嘢嘅位置,如果把遮插中人咁点呢?”之后区永权又指向露台一处凹陷的位置说:“楼上唔知边一户飞咗成支吸尘机棍,我喺厅入面听到嘭一声,吓到弹起,发现露台呢个位凹咗。”
多年来已间歇性有烟头、火锅牛肉出现,区永权大感无奈说:“最新露台呢个位置有10粒玻璃碎,(有个绿色嘅玩具又跌咗落嚟㖞),好明显飞落嚟啦,但系呢啲唔系咩新鲜事,小意思。我啱啱先见到呢度露台外面有一粒金属螺丝帽,从上面飞落嚟,应该系新鲜滚热辣,头先同同事行嘅露台,又有新嘅玻璃碎。”主持魏柏豪问昨日佣人姐姐扫完又再有依家又有玻璃碎,有什么想法?区永权叹一口气说:“无奈!其实你都见到楼上有好多住户,我都冇办法知道知道系边一户。”
区永权曾为上层拆棚掉落的索带问题,与装伤师傅理论,但对方仅称:“拆棚系咁啦”,区永权与魏柏豪站在露台做访问,他认不住说:“其实好惊呀,你介唔介意(企)入少少呀,我真系惊,因为其实我企喺呢个位置同你讲嘢,我都谂紧每次都冇中人,如果今次中人点呢?”他指太太最着紧小朋友,已同小朋友讲尽量不要出去露台,估计小朋友已有多年没有出过去。
由于今次玻璃碎事件,区永权已报警:“呢啲事情系一而再、再而三发生,呢次玻璃碎事件我都报咗警,佢都建议我哋嘅业主立案法畴会唔会装Cam(闭路电视),但亦都有人同我讲,咁样有冇可能系会侵犯私隐。我每次发生事都有同管理处讲,亦都有社交平台分享,希望𠮶个唔小心、当佢唔小心嘅邻居,下次小心啲,但每次发现喺社交平台嘅留言,都有一大堆(网民)叫报《东张》,我都估唔到有呢一日嘅出现。”
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。