亞視台慶丨陳庭威終真現身！零濾鏡下自誇「年年18歲」狀態keep住冇乜點變
亞洲電視昨晚（6日）在大埔亞視總台舉行《亞洲電視66周年台慶》，亞洲電視行政總裁徐小明率領董事局及管理層會見傳媒，還有不少昔日熟悉的面孔，包括有陳啟泰、柳影虹、李龍基、劉錫賢、江圖、宮雪花，以及久違了的陳庭威！
【其他文章】：61歲前亞視一哥陳庭威身形fit爆 赤裸上身打拳晒川字腹肌令人驚嘆
【點擊睇亞視台慶現場相】：
61歲前亞視一哥陳庭威當年因為《勝者為王》系列而一炮而紅，直到2004年拍完《8號巴士站站情》之後，離開亞視北上到內地發展，成立了個人文化傳媒公司「威威世界」，幾乎絕跡香港的娛樂。久未露面陳庭威今次激罕現身，在零濾鏡下個樣keep得好好，他坦言對亞視台慶有點感觸：「我大部份時間喺外國多，好少喺香港，今次返嚟有啲開心同感觸，見番好多好朋友，好似江圖叔同劉錫賢，嗰陣我喺亞視叫做第一男主角，收視同距離台有得揮！」
問到會否拍港劇，陳庭威笑說：「我哋都有傾吓，而家興搞嗰啲直播，所以有好多嘢都係傾緊，要睇吓自己嘅時間。」接着他除了太陽眼鏡，自信心爆崩地說：「我狀態就keep住，年年十八歲，冇乜點變，最緊要係開心每一天！人最緊要係身體健康、自由快樂就可以，呢幾年我喺大馬都有做生意。」感情方面，問到是否已婚？陳庭威說：「我仲係…自由身！你知以前係『地下情』，而家我都冇周圍去講，最近好高興同家人一齊成日食飯，講番啲以前嘅嘢，做人要活在當下，日日都要開心，我好享受而家嘅生活！」
行政總裁徐小明率領董事局及管理層會見傳媒，徐小明哥盼透過台慶活動令外界更了解亞視未來動向：「其實壓力都好大，因為大家都問有咩搞，其實我最主要目的就係激活亞視，因為一個電視台冇製作就好似虛殼咁，起初我地輕鬆啲，好似新聞、財經、玄學等等。今次『碌卡』叫咗好多朋友嚟幫手，晚宴都爆晒人數，多謝大家對亞視嘅情懷支持。嚟緊亞視都會參與一個基金，我哋希望培養到人才，搵到啲好劇本。」
徐小明哥又表示，現階段亞視將製作另類的綜藝節目，盼吸引更多觀眾點擊：「一個媒體機構有新聞，可以盡到社會嘅責任，今次加強咗新聞嘅力量，我們已經成立《亞視國際新聞台》，由我們的藝人陳美濤、吳玥肜、羅卿娗伙拍馬來西亞新聞團隊，為觀眾提供最新的資訊。」
另一個「亞視一哥」陳啟泰亦有出席台慶，表示再為亞視拍節目感興奮：「頭先我見大堂好多人，我以為自己好熟路想做『秘道』，點知封咗搞到要行5層樓梯。我而家為亞視拍汽車節目，最好可以帶埋太太一齊拍，因為唔使跟團招呼都好啲啦！今次節目都好似監製咁，因為我哋呢啲老演員都會比好多意見嘅。」擔任司儀的劉錫賢表示多年未現身錄影廠，重回舊地感觸良多：「我1988年加入亞視，咁多年都拍過好多節目，令觀眾留低深刻印象，真係好多謝亞視，希望今次小明哥帶領亞視有新形象，令觀眾接受番我哋。」
>>>訂閱CCUE YouTube 頻道，查看更多吃喝玩樂、生活資訊影片。
【看星島＊知天下】請立即下載「星島新聞(加拿大版)」App：
iPhone：https://apple.co/2IBi812
Android：https://bit.ly/2Pe8anu
