星光路上丨蔡洁努力工作进驻千万豪宅 景观开扬装修有品味啱晒女主角身份
选美出身的蔡洁,最近在剧集《一舞倾城》中“Monica”而大受欢迎,一洗过往给人娇滴滴的印象。入行10年的蔡洁坦言在演艺事业非常好幸运,在努力工作下,近年“搬咗一个好啲嘅地方”,她的香闺有露台及落地玻璃,景观开扬,与女主角的身份很相符!
【相关阅读】:一舞倾城丨53岁唐文龙与“沙律妈”结局悲惨?编剧自爆遭蔡洁电话狂轰
【点击睇蔡洁间屋有几靓】:
蔡洁在2012年参加《墨尔本华裔小姐竞选》,囊括包括冠军及最上镜小姐等七大奖项,创下地区纪录,到了2013年, 她代表墨尔本参加《国际中华小姐竞选》,获得“最受传媒欢迎佳丽”奖,比赛后返回澳洲完成学位,当时竟然修读导演系:“我自己都冇谂过,由细到大到钟意睇电视同电影,又钟意睇书同自己写吓嘢,系我爸爸睇到呢样嘢,咪叫我去试吓,跟住硕士都读啲关于幕后嘅嘢,因为就嚟毕业都唔知自己想做啲乜嘢,咪读吓书先。”
蔡洁回港后在幕前演出,她坦言在演艺事业非常好幸运:“当然呢行嘅工作唔会日日都会有,喺经济上都曾试过紧拙,不过都未去到生活当困难。我自已离咗开爹哋妈咪嘅怀抱好多年,自从出嚟做嘢,开始尝试独立,靠自己,虽然系咁,都叫活咗落嚟,由一开始嚟香港一个朋友都冇,乜嘢都唔识,到而家第10年,多咗好多朋友,对呢个行业又熟悉咗,又可以同钟意嘅班底合作,仲有啲咩好去奢望呢?我真系好幸运!”她还说:“虽然而家未有任何奖项,但系我觉得都可以慢慢嚟。”
努力工作为父母有安乐窝
因为疫情关系,蔡洁跟父母有多年未有见面:“我而家努力工作,搬咗一个好啲嘅地方,希望佢哋得闲就过嚟探我,或者我去探佢哋。佢哋成日都担心我一个人,成日都‘日哦夜哦’,叫我唔好食咁多外卖,要早啲瞓觉,乜都‘哦’一餐。”感情方面,蔡洁说:“我30岁之前系一个好有计划嘅人,但系而家明白有啲嘢系冇得计划,我惊自己太有计划,好多嘢都会失望,所以不如顺其自己,结婚都系冇得paln,要嚟就会嚟,我反而觉得唔可以违背自己嘅谂法,好似话为咗工作拒绝感情,似乎唔系喺真情流露嘅状态,所以做演员不如诚实啲面对自己嘅状态!”
访问中,谈到在《一舞倾城》的造型,蔡洁笑言经过多次调整:“𠮶个年代嘅靓就系要眼线向上翘同头发大波浪,成个造型好heavy,我都有啲睇唔惯。其中有参考系钟楚红,佢真系好衬大波浪发型,但我本身个头好大,发量又多,大波浪就好似成个头盔咁,我哋要改好多次先有个靓造型。”蔡洁形容今次拍摄过程非常开心和难忘,系一个好嘅回忆:“大家一齐开心,收工之后又一齐倾偈,好似返番读书时代咁。”
蔡洁提到近年自己“搬咗一个好啲嘅地方”,希望父母来港时有一个安乐窝,原来她“升呢”女主角之后,入住郝德杰山千万豪宅,蔡洁经常在社交平台分享与猫猫的合照,见到她家有露台及落地玻璃,景观开扬,家中更摆放了一个白色钢琴,她不时大晒琴艺!
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。