肥仔@ERROR晒柔軟Body擘大字馬零難度 想踢波被嫌棄鬧保錡勁賤

肥仔（梁業）與「四眼Cue后」吳安儀等今日以嘉賓身份到九龍城出席「香港網球明日之星計大劃2023」啟動禮，活動上，肥仔與吳安儀跟現場小朋友打網球前，做出拗腰、站立彎腰雙手掂地及擘大字馬等難度極高的熱身動作。

肥仔先做熱身動作

 

站立雙手掂地唔容易㗎

 

肥仔做大字馬,好厲害

 

 

「四眼Cue后」吳安儀

 

肥仔稱基本上所有球類運動也喜歡，讀書時亦有踢波、打籃球、打羽毛球及打乒乓球，又笑指自己踢波用頭多過用腳，但自己最擅長的還是跳舞，問到平常會否相約ERROR隊友打波，他表示有跟193打籃球但就好嬲保錡，皆因每次約對方踢波時，保錡總會嫌他渣：「好狗，勁賤囉，我話我都想踢，佢話「你唔得㗎，啲人太勁」，又話踢開嗰啲係前港隊，踢波係為咗開心㗎嘛，唔係為咗踢殘人㗎嘛。」他又指保錡現時專心跑步，已不理會他，問到肥仔為何不跑步？他說：「我跑唔耐，因為我要承受自己嘅體重，有啲教練話我呢個體重跑得多會傷，所以唔跑好過跑。（打算減肥？）減緊，你唔覺得我大隻咗？胸肌全部有㗎，間唔中都有做gym，（減咗幾多？）答你唔到，冇磅過！我發現我好努力做完運動之後又好努力再食過，做運動為咗食咋嘛。」

肥仔稱基本上所有球類運動也喜歡

 

肥仔笑指自己踢波用頭多過用腳，但自己最擅長的還是跳舞

 

肥仔有跟193打籃球

 

肥仔好嬲保錡，皆因每次約對方踢波，總會嫌他渣

 

肥仔指保錡現時專心跑步，已不理會他

 

有教練話肥仔跑得多會傷，唔跑好過跑

 

提到肥仔有份主演的ViuTV劇集《極度俏郎君》被網民評為「膠劇」，他說：「呢啲留俾公司決策，我唔評論咁多，自己做返自己嘢就啱。」他指日後拍劇也要看公司安排：「有戲都會想做，我會鍾意同ERROR一齊做多啲，因為個氛圍開心好多。（唔想單拖？）睇吓咩角色，我成日都話想做殺人犯，我個樣估唔到係兇手嘛。」

肥仔減緊肥但就唔知減咗幾多磅

 

對於ViuTV劇集《極度俏郎君》被網民評為「膠劇」,肥仔就唔評論

 

《星島頭條》新網站有更多精彩內容：http://www.stheadline.com/

 

訂閱星島網singtao.ca電郵快訊，每天可收到最快新聞資訊： https://www.singtao.ca/subscribe/singtao.php

>>>訂閱CCUE YouTube 頻道，查看更多吃喝玩樂、生活資訊影片。

【看星島＊知天下】請立即下載「星島新聞(加拿大版)」App：
iPhone：https://apple.co/2IBi812
Android：https://bit.ly/2Pe8anu