黃夏蕙狂收契仔女 唔記得名但提醒要畀利是 結婚周年晚宴獲家燕姐驚喜到賀

身穿婚紗的黃夏蕙（BB）前晚在酒樓筵開83席慶祝與潘炳烈結婚35周年，好友劉錫賢、潘志文、魏秋樺、徐寶鳳及丁羽等到賀，相識幾十年嘅薛家燕亦驚喜到賀，家燕姐成全場焦點，更應邀上台和主人家切燒豬、生日蛋糕及醒獅點睛。台上司儀肥仔賢（劉錫賢）見BB兩公婆切燒豬時笑住搞氣氛說：「呢隻豬，潘sir㗳咗好耐，但都分享吓嘅！」全場又大合唱生日歌祝BB 91歲生日快樂，家燕姐坐足半場才離開。

家燕姐驚喜現身撐BB。

前晚筵開83席慶祝，不少圈中好友包括潘志文、徐寶鳳、方俊、丁羽叔及劉錫賢等出席。

黄夏蕙與潘炳烈結婚35周年紀念，前晚筵開83席慶祝。

家燕姐好畀面坐足半晚。

家燕姐及丁羽叔應邀上台主禮醒獅點睛。

台上仲有財神。

司儀肥仔賢用燒豬取笑夏蕙BB。

BB咪嘴唱《禪院鐘聲》。

現場仲有周潤發姊姊玲姐(周聰玲)。

家燕姐讚BB心地好

家燕姐在台上表示，睇住夏蕙姨長大，大讚對方心地好好，且熱心公益及幫助朋友，祝佢哋永遠恩愛，身體健康。

家燕姐好欣賞BB嘅人品。

欣賞方俊照顧偉文

活動期間進行上契儀式，原先只得4個契仔跪地斟茶，當中包括好錫老人家嘅張偉文經理人方俊，點知臨時又加多兩個契仔話要上契，之後又再加添多6個契女，最搞笑大部份契仔、契女，BB都唔記得佢哋叫咩名，司儀肥仔賢多次呼籲新收嘅契仔、契女快快補利是，否則未完成過程。然後一班契仔女台上合唱<總有你鼓勵>送畀契媽，BB又獨唱，咪嘴演繹一曲飲歌《禪院鐘聲 》。之後BB落台走勻全場，跟買咗枱力撐她嘅賓客合照，再狂收利是，計埋賣枱收入，當晚BB真係大豐收。另外，方俊指BB好欣賞他悉心照顧張偉文，對他好好，所以主動話要契他做契仔。

張偉文經理人方俊跪低上契畀利是契媽。

BB愈收愈多契仔契女。

司儀多次提醒，新上契嘅契仔契女記得畀利是。

當晚方俊台上獻唱娛賓，有觀眾上台畀利是。

BB欣賞方俊對無依無靠，兼行動不便嘅張偉文真心好。

方俊𠱁得BB好開心。

去年BB離港前，方俊陪她去油麻地選購假髮。

BB最快年尾才同老公返美國。

BB怕喺美國悶，較喜歡香港多姿多彩生活。

《星島頭條》APP經已推出最新版本，請立即更新，瀏覽更精彩內容：http://www.stheadline.com/