獨家丨張學潤離世丨黃夏蕙發結婚紀念通告借勢插肥媽:不要再拿死人做宣傳 經理人回應:BB個細仔係NelNel同學

著名形象指導張學潤（Nel Nel）於5月18日在深圳居所內燒炭輕生，引發Nel Nel家屬不滿有人乘機拍片爆內幕，並透過跟Nel Nel共事嘅羅霖發聲要求可刪片，暗指「某人」拍片蹭熱度，矛頭指向Nel Nel離世後，肥媽激動拍片悼念好友，在抖音上傳一段以「深切緬懷亡友Nel Nel張學潤」為題的影片，激動地大爆好友生前除了財困之外，同時亦受到感情問題困擾！雖然影片喺21日半夜已刪除及向家屬致歉，仍然惹來圈中人睇唔過過眼，今晚黄夏蕙經理人Simon Lee發出明晚嘅「黄夏蕙與潘炳烈結婚35周年紀念記者邀請函」，新聞稿中劈頭竟寫「黄夏蕙認識張學潤已經數十年，日前也邀請他出席這個活動，收到他的死訊後，心情極為不安。呼籲那些所謂好朋友，不要再拿死人的名字做宣傳了！亦不要將自己內心世界放在別人身上。」

夏蕙BB睇唔過眼肥媽抽Nel Nel水狂呻。

經理人Simon接受《星島頭條》獨家訪問時，坦言唔生事嘅黃夏蕙都嬲肥媽。

夏蕙BB發結婚紀念通告借勢插肥媽。

肥媽在抖音上傳一段以「深切緬懷亡友Nel Nel張學潤」為題的激動影片。

片中激動地大爆好友生前受財困。

更指Nel Nel感情也受困擾。

肥媽曾捲對張偉文坐輪椅演唱「慘不忍睹」事件，搞到張偉文好嬲豬。

張偉文曾咬牙切齒，不滿大大聲女歌手阻他搵啖飯食。

Nel Nel生前係肥媽契仔。

Nel Nel於5月18日於在深圳居所內燒炭輕生。

事後羅霖獲張學潤家人委託代澄清及發言。

肥媽無論唱歌及做人都係大大聲。

原來BB個細仔係NelNel同學，故兩人真係幾熟。

日前肥媽錄影《獎門人》時已封口。

周日晚跟李麗霞(黑妹)做煮食直播節目時，着黑衫嘅肥媽瘋狂大笑。

當晚隻字冇提Nel Nel離世引發嘅爭論。

黃夏蕙經理人Simon接受《星島頭條》獨家訪問時坦言黃夏蕙（BB）對肥媽抽死人水好不滿：「今日我同佢飲嘢，處理埋聽晚啲嘢，佢講返NelNel單嘢都幾嬲㗎，因為BB個細仔係NelNel同學，所以兩人真係幾熟。」問到BB知唔知NelNel離世內情？Simon即說：「算啦，佢呻下啫，佢現場接受訪問就唔會咁激動，就算知道內情佢都唔會講啦，人都走咗，如果我哋講，咁同肥媽有咩分別呀？只係唔好攞啲死人，死冇對證嘅去講嘢，呢種行為係討厭嘛。」

黄夏蕙與潘炳烈明晚設宴慶祝結婚35周年紀念。

明晚好友潘志文都赴會。

到時BB會同張偉文經理人方俊上契。

《星島頭條》APP經已推出最新版本，請立即更新，瀏覽更精彩內容：http://www.stheadline.com/