張學潤逝世｜關寶慧稱與Nel Nel去年初最後見面：心痛一個咁單純嘅朋友走咗

香港著名形象指導張學潤（Nel Nel）今日驚傳在內地離世，終年59歲。TVB娛樂新聞台向其好友關寶慧求證消息時，關寶慧崩潰痛哭，心情難怪。關寶慧接受《星島頭條》訪問時哭著說：「最後見佢係去年頭，佢剛剛喺深圳回來到我家取物，當時狀態係ok的，之後因為我冇返內地，大家再冇見面。」最後關寶慧補充：「我只知道，好心痛一個咁單純，對我咁好嘅朋友就咁就走咗。」

【點擊睇張學潤Nel Nel生前照片】：

關寶慧早前向TVB娛樂新聞台表示，由於事出突然，朋友都希望盡快聯絡到Nel Nel家人。

Nel Nel張學潤父親為香港一代球王張子岱，在演藝圈工作多年的他，曾為陳慧嫻、郭富城及陳小春等藝人擔任形象顧問，在圈中好友眾多。而在2020年張學潤生日時，他更獲一眾好友包括肥媽、羅霖、楊玉梅、關寶慧等為他慶生，當時他向傳媒表示：「希望有工開，以前成日呻做嘢辛苦，依家唔敢再呻。」

而張學潤好友關寶慧當時單身，當日張學潤生日時她更笑指，如果五年後未能嫁出就要嫁給Nel Nel：「佢願唔願意都好，一定要逼佢搞婚禮。」