獨家丨方紹聰感激女神張慧儀帶路遊馬拉 黃紫恩胡敏芝上山下海辛苦又難忘

由方紹聰（奶仔）主持及監製的《野外步出3玩野加大馬》，除加入兩位新主持黃紫恩（Jojo）及胡敏芝（Karen），更移師到馬來西亞拍攝。奶仔最開心請到性感女神張慧儀做嘉賓，而帶着兩個新丁冒險更有挑戰性。黃紫恩及胡敏芝第一次參與拍攝，要上山下海雖辛苦，但絕對是難得體驗。採訪：杜杜 髮型:Pakman Chau(奶仔) 服裝:Annoricsporthk(奶仔)

奶仔雖然第一次同Karen（左）和Jojo合作，但大家好夾。

Jojo（左）和Karen雖然覺得拍攝過程辛苦，但也認為是難得體驗。

Jojo（左）和Karen雖然覺得拍攝過程辛苦，但也認為是難得體驗。

奶仔雖然有《貧窮限制想像》監製經驗，但今次首次為《野外步出》糸列出任監製，工作絕不輕鬆，「第一次去海外拍綜藝節目，兼做埋監製，真係好大壓力，有今次經驗，下次再去遠啲拍攝都冇問題，希望公司畀機會我哋去其他地方再拍。」

奶仔坦認《野外步出》第1、2輯有好成績，造就今次跳出香港拍攝機會。

奶仔邀請馬來西亞靚女藝人陳玟蒽做嘉賓，大玩水上活動。

帶新丁同行責任大

今次奶仔搵了Jojo和Karen做主持外，還邀請了多位馬來西亞藝人擔任嘉賓，包括最令奶仔興奮的張慧儀。「佢係我女神，拍劇識咗好多年，間中都有聯絡傾吓偈，佢好少參與呢類節目，我都係膽粗粗打電話畀佢，仲同佢猛解釋節目內容，點知佢話『奶仔你開聲就得，唔使講咁多』就應承咗我，佢帶我哋去咗好多地方，真係好多謝佢，請到佢做嘉賓絕對係我嘅榮幸。」

奶仔最開心邀到張慧儀任嘉賓，仲載對方坐電單車，成就解鎖。

張慧儀除帶奶仔周圍去，仲帶埋仔仔Hanson出鏡。

除了行山，仲有好多不同類型活動，首次拍攝的Jojo和Karen覺得既辛苦又好玩。Jojo說：「第一次出埠拍嘢，潛水同激流都唔係咁易玩，但地方咁靚，成班人合作氣氛好好，真係好難忘。」至於Karen就挑戰海拔1200米高的劍峰，「因為好直，要手腳並用先得，最初諗住只行到三分一，估唔到可以行到1000米咁多，挑戰到自己好開心。」奶仔大讚兩個新丁表現出色，「佢哋好大膽乜都肯試，我好似大哥哥咁帶住佢哋去挑戰，責任感都大咗好多。」

Karen跟奶仔挑戰海拔1200米高的劍峰，似爬山多過行山。

Karen雖然搞到周身傷，但覺得這個經歷好值得。

Jojo第一次玩激流，仲連玩幾個，刺激又好玩。

《星島頭條》新網站有更多精彩內容：http://www.stheadline.com/