中年好聲音丨肥媽賽後點評龍婷失準「有包袱」 李佳屆居亞軍自爆有高血壓老公抱抱慰妻
TVB節目《中年好聲音》昨晚（23日）舉行總決賽，「吉吉」周吉佩爆奪得冠軍，李佳、羅啟豪則分別得亞軍、季軍，賽前大熱龍婷則只得第四名及觀眾票選的「觀眾最愛好聲音」。今日《東張西望》繼續播出《中年好聲音》特輯，追訪昨晚完賽後一班參賽者及評審；原來不只吳大強，龍婷、李佳等亦在賽前抱恙。
【相關閱讀】：中年好聲音決賽丨周吉佩奪冠等老婆獎勵 李佳屈居亞軍感失望 龍婷大熱倒灶認失準
【點擊睇《中年好聲音》賽後訪問】：
只得第四的大熱龍婷坦言：「之前幾日都有啲病，其實四日前我冇聲出，失聲；後尾搵咗個醫生，今日先可以正常發揮。」對於大熱倒灶，龍婷大方回應指不會失望：「佢哋都唱得好好聽，真係好聽，冇嘢講。」吳大強亦表示：「嚟到呢一步，真係贏咗。」昨晚吳大強只有三個囝囝包括吳偉豪到場支持，他透露細仔因為機位問題，未能返港：「但佢心中支持我，佢都有睇直播，我都開心。」
昨晚李佳與周吉佩爭冠軍，周吉佩得獎在台上爆喊，在台下終於回復平靜：「可能大家都唔知我十幾年點堅持，所以今日拎咗呢個獎，真係百感交集。」至於是否爆冷，他也坦言知道自己是觀眾分數入面的最低分：「我唔講爆唔爆冷，今日大家上呢個枱都證實咗實力。」
至於屆居亞軍的李佳，完場即獲老公愛的抱抱，佳佳直指比賽對她來說其實也有壓力：「大家問我有冇壓力，我話冇，表面我好似冇，但其實呢排胃唔好，瞓都瞓得唔好，仲有，竟然有啲高血壓。」一直睇住多位參賽者成長的肥媽也認為李佳、龍婷失準：「佳佳同龍婷一唱完，我話『今日做乜嘢啊？」佢哋兩個有壓力啊，因為網上最高分變咗有包袱，吉吉睬你都傻，都冇包袱。」
客席評審譚詠麟在節目上指，每次現場聽龍婷都會覺得不及電視中的表演，譚詠麟為龍婷平反：「每次睇電視睇佢都好正㗎喎，現場佢有少少緊張。但係唔係吖，第二隻歌我都畀好高分，佢跳得好。」《中年好聲音》100強昨晚也有到電視城睇總決賽，與周志佩感情要好的曹敏寶大讚好友：「佢今晚直情係super star！」
昨晚顏志恆僅得第5名，不過賽後有一班忠實粉絲為他慶祝，還為他訂做獎座，上面寫上「動人歌聲成大志，感動人生續永恆。」非常有心思。昨晚顏志恆太太也跟粉絲一同為老公慶祝，還在電視城外淚崩，貼心的顏志恆則為老婆抹眼淚，又錫愛妻額頭，非常sweet。而吉吉在電視城外的粉絲，更有幾位是由2005年支持他到現在，一班粉絲還大跳《跳舞街》為吉吉慶祝。
【相關閱讀】：
中年好聲音決賽丨第二季開始接受報名！曾志偉否認臨時改賽制 自爆心水冠軍非周吉佩
中年好聲音決賽丨周吉佩奪冠撼贏李佳！低潮期認識港姐太太 險兩度尋死參賽先斬後奏釀夫妻吵大鑊
中年好聲音決賽丨李佳屈居亞軍！曾獲封「香港Adele」 嫁英籍老公誕兩兒做完主婦再出道
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
