44歲廖碧兒兩個字頹爆總結感情現況 「有狗仔，屋企大」難搵新戀情
現年44歲的廖碧兒近早年曾與劉愷威、陳豪等拍拖，近年廖碧兒淡出幕前，主力發展紅酒生意。最近她在YouTube頻道上載新片，提到正在忙於學業及酒吧生意外，身為單身盛女的她又大談感情觀、對愛情的憧憬，還大爆昔日拍《妙手仁心III》時，曾經情緒崩潰，喊到唞唔到氣。
【相關閱讀】：廖碧兒大方傳授品酒技巧最緊要有演技 唔識飲都要扮得夠Pro 網民讚動靜可愛又搞笑
【點擊睇廖碧兒講感情】：
廖碧兒在片段開始已大談感情現況：「好多人話我好男人，所以我好愛自己，比較爽真，所以……冇啊。」至於對愛情還有無憧憬，廖碧兒坦言：「去到而家呢個階段，我覺得最緊要享受，因為我做咗呢行都一段時間，嗰陣唔識錫自己，自從我十幾年前整親條腰，改變咗我嘅睇法。」她透露當時拍動作戲，因為怕麻煩別人，不用替身、不用試戲；後來腰部受傷臥床良久才開始反思。
廖碧兒表示：「喺呢個過程就覺得，係咪搵一個人你鍾意、你需求嘅，搵一個靚仔？好多人問我有咩要求，其實去到呢一刻不係要求。第一，要錫自己先，當然搵到個人錫你as who you are，呢個先係最重要。同埋我呢個年紀同埋經歷都已經係咁樣，我又有狗仔，我屋企又大，要一個人愛晒你成個package都唔容易，所以呢個唔係要求，我覺得係順其自然。」她還坦言自己5歲已經想生小朋友：「但去到廿幾歲讀緊書都想有小朋友，但選美後搬嚟香港就狂做嘢冇諗。我哋做呢行，又未搵到對象，都冇時間去栽培一段感情。呢個都係一種責任，所以我選擇養狗仔，都係一個學習過程。
新片中廖碧兒亦提到拍戲往事，坦言中文一向都差，開始拍《皆大歡喜》時辛苦大家，後來拍《妙手仁心III》有一場喊戲令她印象難忙：「我嗰陣現實同Daddy一齊住，感情好親密；戲入面同Daddy感情好唔得，憎到佢飛起。我投入咗角色，因為我Daddy同我對劇本，我會對佢發脾氣，鬧埋佢一份，嗰8個月令我真實同Daddy關係都好差。戲入面我Daddy過身我先知唔係佢錯，我睇錯咗成件事。」
後來父女和好的戲份，廖碧兒直指當時喊到崩潰：「我第一次喊到停唔到，佢哋要搵廠入面啲救護人員入嚟，因為我唞唔到戲，嗰陣陳錦鴻喺隔籬都趕過嚟。我停唔到，扯氣到就嚟暈，成件事大家停咗三個鐘。」廖碧兒透露當時返到屋企見到父親立即爆喊，她又指現在沒見爸爸已經三年，更一度講到落淚。廖碧兒在新片中透露自己最近忙於做酒吧生意外，亦正在修讀碩士課程，日前又拍節目，生活非常忙碌。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
