【黃庭桄專欄】心安何處

每年曾志偉都會在生日的四月份，舉辦慈善齋宴，為不同的寺廟籌款，弘揚佛法，利益眾生。
　　
志偉當然滴酒不沾，盡心盡力打點齋宴的拍賣項目，恭敬款待到場的長老法師和各功德主。他的女兒曾寶儀說笑道：「齋宴相信係佢唯一一個生日活動，絕對唔會飲醉酒。」
　　
因疫情停辦三年，上星期終於能再聚首一堂， 脫下口罩重現笑面，感覺恍如隔世，齋宴上，大家都別來無恙。
　　
曾志偉上台致歡迎詞說：「好難得我哋今晚能夠坐埋一齊，所有老朋友都喺度，相信可能邊一生邊一世，大家早已見過面，今晚先至再嚟共結佛緣。」
　　
一切皆是緣，人與人之間的相遇，是緣份。人與神之間的交會，也講佛緣。
　　
曾志偉一直謹記，當年參加萬人坐禪時，聽過荃灣西方寺的已故主持永惺法師開示，問大家點解要學佛？
　　
「我哋每一個人，都可以有間好大嘅屋，只不過我哋未搵到個燈掣。入到屋，你冇開燈，唔會知道自己間屋有幾大。」永惺法師指，學佛就是能令人搵到燈掣。
　　
「一撳燈掣，原來我有咁大間房，其實書房嚟啫！去到個廳，一開燈，嘩！好靚喎！偏廳嚟啫！你都未見到大廳！」曾志偉不會忘記法師教誨，學佛是讓大家慢慢去搵到一間大屋，「呢間大屋喺邊度？就喺你心裏面。學佛，係學修心。」
　　
心安，自然理得，就不會有心事。如果將所有事都放下，就能放心。做人要有良心，心地要好。「想開心，就睇你有冇將個心打開？能否坦蕩蕩過此一生？」曾志偉分享說。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。