張繼聰晒26年前嫩樣照談影帝夢 激似15歲囝囝張瞻DJ朱薰以為貼錯相

現年43歲的張繼聰憑電影《窄路微塵》首次入圍金像獎角逐最佳男主角，並以《飯戲攻心》提名最佳男配角，日前他在社交網透露緊張心情：「原來下個禮拜金像獎，真係好難平常心，我份人都算好chill ，都真係有少少緊張。贏輸，真係唔係重點，重點係佢硬係未到，梗係唔知點咁。」他又公開17歲時於1997年時的照片，回望自己入行的過程。不過遭男團MIRROR成員呂爵安（Edan）留言暗嘲老餅：「Wow！我啱啱出世」，張繼聰回應：「一陣乳臭末乾嘅味道飄過。」

【點擊睇張繼聰相】：

張繼聰憑電影《窄路微塵》首次入圍金像獎最佳男主角。

張繼聰憑電影《飯戲攻心》提名最佳男配角。

張繼聰率先獲電影評論學會頒發影帝。 ​

當年監製林家棟搵阿聰拍電影《死開啲啦》做第二男主角，令他開始對電影感興趣。 ​

11年前阿聰事業低潮期，客串電視劇《老表，你好嘢！》時意外搵到自己定位。

張繼聰2014年曾奪TVB「飛躍進步男藝員」。 ​

阿聰開過個人演唱會，歌壇上都有啲成績。

張繼聰（中）是童星出身。 ​

張繼聰最經典的廣告。

張繼聰最經典的廣告。

張繼聰5歲就已經參演港台劇。 ​

到中學時代，張繼聰仍然有參演港台作品。

當年港台劇集《晴天雨天孩子天 》的一班小演員。

當年港台劇集《晴天雨天孩子天 》的一班小演員。

2007年謝安琪與張繼聰結婚。

謝安琪為張繼聰誕下一子一女。 ​

謝安琪與張繼聰育有一子一女。

15歲兒子張瞻好似年輕時的張繼聰。

張繼聰入圍今屆金像獎，角逐最佳男主角及最佳男配角。

張繼聰撰長文講心情。

張繼聰公開17歲的照片。

朱薰直指張相其實是張繼聰的兒子張瞻。

張繼聰有感而發撰長文：「有啲感覺想記低吓，唔怕長嘅，隨便睇。依張相係1997年，17歲，啱啱入演藝學院影嘅，你睇吓我係幾咁嬌艷同埋欲滴？果時第一次參加學校嘅舞台劇製作，唔係做演員喎，而係做舞台助理，即係打雜，乜都要做，辛苦到飛起。依個係校規，每位新生都一定要做，但係捱完之後，將來做演員，你就會明，企上台，其實有幾多人幫緊你，超級好嘅體驗，所以到今日，我都對身邊嘅每一位工作人員，抱住超級感恩嘅心，多謝老師們嘅苦心。」他稱當時每晚站在台邊看師兄師姐落力演出，台下觀眾又笑又喊，令他覺得好神奇，又感到表演者的偉大。

當時張繼聰跟自己講：「幾艱難都好，我一定要做個出色嘅表演者，眨吓眼，就過咗26年。」他不肯定是否做到一個出色的表現者，但可以肯定真的艱難，行過的每一步，捱過的每一刻，無數咁多次同自己講：「聰，你得㗎，你仲有半滴㗎，頂埋佢」，回憶令他控制不到淚腺。他非常感恩，亦覺得愈來愈好彩，所以要更加努力，最後還交代17歲時攬住棵樹的照片：「對將來充滿幻想嘅純情少年講一句，我冇辜負你嘅演員夢，會繼續劈落去。」留言獲大批圈中好友按讚支持，不過朱薰錯重點留言：「咩料！張相明明係你個仔嚟嘅！」