【曾智華專欄】沒有色情的「色情片」

色情片，自從有電影這東西發明之後，經已出現，本來並不值得大驚小怪。但問題在絕大部分人都要遵從「雙重道德」標準，即表面要講及做一套（符合社會期望），但私底下則會做另一套（純個人的欲望及選擇）。
　　
所以，面對公眾，絕不會承認自己「鹹濕」，喜歡看色情片。但實質呢？大家無謂扮嘢嘞。
　　
以前不少人誤會，以為男性才會喜歡看色情片。想知真相？大家問問願意坦白的「現代女性」好了。事實上，二十多年前有線電視收費台中，最賺錢的一度是成人台，即專播廣播電視不能播的「鹹片台」。負責人曾笑笑口拉我講：「碌Sir，起初以為睇鹹片的多為中年麻甩。原來唔係，而係平時唔方便走去商場買四仔的女性！」
　　
這現象，隨著互聯網出現，已有革命性改變。因一部手機，一部電腦，你想睇乜都有。
　　
今期Netflix有一套被評為必看的紀錄片，名《千金一發： Pornhub的故事》。
　　
幾年前某社會學學者向我指出，若想一個城市的男性煩躁不安，易，封咗當地個Pornhub已可！
　　
點解咁巴閉？正因此平台乃全球最大的色情影片平台，上傳的片多達數千萬條！
　　
意即是無數人的精神食糧台！
　　
這套劇集，全面揭開Pornhub的神秘面紗，讓公眾看到這家總部在加拿大的集團，運作方法有幾「刺激」？
　　
記者走訪了多位性工作者、製片者、前員工、受害人及關注性罪行組織的社工。
　　
看此片的人，一開始多抱獵奇心態，但一步步睇下去，自會發覺前設的想法，與其真實發生的，有極大差異。
　　
《千金》描述最大的色情片平台，但搞笑，根本「冇嘢睇」，即沒有色情鏡頭！有乜？大家自己發掘啦！