初選案│趙家賢?認民動曾帖文「光復議會」「對抗暴政」

民主派47人參與「35+」初選，涉嫌爭取立法會過半無差別否決財案被控，16人否認串謀顛覆國家政權罪。《國安法》指定法官陳慶偉今(6日)早上於西九龍法院問及民主動力帖文出現「#光復議會」及「#對抗暴政」標籤時，趙家賢坦承「我要認錯，我冇做好謹慎責任嘅角色，原因係職員草擬畀我嘅時候，我著重睇嘅位置，當時冇特別留意呢個位」。

副刑事檢控專員萬德豪主問下，趙家賢總結「35+」計畫中民主動力負責眾籌、招募義工及處理選舉開支等。《國安法》指定法官陳慶偉主動提到民動2020年6月9日Facebook 帖文，帖文底標籤「#光復議會」，問及其意思，趙家賢解釋指「其實都係立法會過半，民主派能夠將個議會功能光復到，實行到民主派政策倡議」。陳官再問下一個標籤「#對抗暴政」是指甚麼暴政，趙家賢答「對當時社會環境底下，支持民主嘅民間社會會覺得受到好強大嘅政治打壓，而對抗暴政嘅意思就係表達緊呢種睇法，當然講緊現有政權」。

陳官追問香港抑或中央政權還是兩者，趙家賢指「只係可以講唔同人睇到個字眼有自己嘅解讀」，陳官再追問趙家賢個人角度，趙家賢回應「相信係香港政府」。陳官追問為何會出現標籤，趙家賢答「我要認錯，我冇做好謹慎責任嘅角色，原因係職員草擬畀我嘅時候，我著重睇嘅位置，當時冇特別留意呢個位」。

陳官問民動完全中立還是作為外判商？趙家賢指「我哋當然係contractor ，但我哋當時作為傳統民主派協調組織同交流平台，所以唔可以話係政治中立，因為民主動力係民主陣營裡面嘅組織」。陳官最後問上述兩個標籤出現是否屬錯誤，趙家賢認同「如果我當時做好謹慎責任，噉『#團結一致#立會過半』之後就係『#711及712投票』」。

法庭記者：陳子豪

---     
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd   
你的獨家報料一旦被採用及報導，將獲得乙份獎品。