亞視一姐薛影儀五音不全預告4.5出新歌 網民睇7秒MV預告稱要推上「叱咤」

「至索經理人」林寶玉（Connie）早前帶「亞視一姐」薛影儀到馬來西亞工作，將五音不全的阿儀推進錄音室，秘密灌錄快歌，由馬來西亞著名導演及金牌製作人操刀，花費超過6位數字，打造阿儀成為2023年樂壇新貴。今日（31日）阿儀在社交網公開新歌MV的7秒宣傳片，並寫上：「齊齊倒數 4月5號 #一加一等於阿儀 #薛影儀首支個人單曲」，正式公布新歌於4月5日推出。

【點擊睇薛影儀首支新歌MV預告】：

阿儀去大馬秘密錄新歌。

喺錄音室玩貓。

玩貓時阿儀顯得一臉稚氣。

以往阿儀也曾試過錄歌。

阿儀造型新穎。

阿儀唱過賀年歌。

阿儀試過直播唱足一晚。

阿儀五音不全。

林寶玉帶住阿儀去大馬工作。

林寶玉好錫「亞視一姐」薛影儀。

今次去大馬冇泳衣相睇。

林寶玉及阿儀曾一齊參與大馬水上活動。

薛影儀要做歌手。

薛影儀跟經理人去睇張國榮紀念展。

薛影儀秘速睇完。

薛影儀似乎不太感興趣。

薛影儀打卡反而表示獲經理人請食飯。

薛影儀公開7秒的新歌MV預告片。

薛影儀以如數白欖形式講出：「7、8、9、10、11、12，阿儀」。

薛影儀仲有扮Catwalk走向鏡頭。

薛影儀的造型好特別。

薛影儀於4月5日出新歌。

網民支持阿儀「用作品說話」。

網民表示要推阿儀上「叱咤」。 ​

片中見到阿儀穿上圓領Tee襯粉紅吊帶褲、再加一件毛毛褸，以側面剪影現身，加一頭波浪髮型，以Catwalk形式走向鏡頭，再雙手插袋轉身，畫面上出現「一加一等於阿儀」、「5APRIL．COMING SOON」字句，而阿儀則以如數白欖形式講出：「7、8、9、10、11、12，阿儀」。預告一出，即吸引大批網民留言，有人稱已睇片逾30次，笑指之後見到數字便會想起阿儀，又有網民讚阿儀好有型：「用作品說話」，更揚言想推她成為「2023年最佳女新人」、將歌曲推上「叱咤」為她摘「叱咤女新人獎」，甚至女歌手金獎。