謝天華難忘穿T Back為林憶蓮伴舞 林青峰盼能提升對舞者保障

曾教授郭富城、林憶蓮、葉蒨文跳舞的舞蹈總監林青峰(Sammy)，及劉德華、陳慧琳、譚詠麟、李克勤等御用排舞師黃國榮(Sunny)，兩人聯同秦卓芬(Roy)創立的「香港舞蹈演藝人協會」將於4月7日至10日在香港大會堂舉行展覽會《舞之步伐.藝之傳承》，見證香港60年來商業舞蹈輝煌成績。活動獲曾是舞蹈藝員的謝天華(Michael)力撐，談到多年來的舞蹈員生涯，Michael最深刻1991年為林憶蓮紅館個唱伴舞，當憶蓮唱《燒》時，他僅穿一條紅色T Back跟另一位男Dancer共舞，展現曖昧情慾戲。

謝天華現身力撐《舞之步伐.藝之傳承》展覽會。

近年謝天華主力北上搵食。

林青峰(Sammy)及謝天華齊齊宣傳《舞之步伐.藝之傳承》展覽會。

林青峰老師為展覽活動籌備兩年。

謝天華冇放棄過跳舞。

謝天華、林青峰為舞蹈行業出咗好多力。

林青峰舞蹈學生唐韋琪(左起)、林青峰、香港舞蹈演藝人協會永遠榮譽會長石成初、名譽會長謝天華、資深顧問李鴻杰及大會女主持合照。

林青峰(Sammy)及謝天華齊齊宣傳《舞之步伐.藝之傳承》展覽會。

Michael形容超級經典：「當時由林老師排舞，佢話我會同男仔拍住跳，呢隻舞連衫褲(外褲)鞋襪都冇，原來得返條紅色超人底褲。」當時Michael個心忐忑不安，最怕太激會被人罵，幸當晚演出後獲一位女歌手讚好，原來會有人欣賞，滿足感返晒嚟，打後就豁咗出去演了。問到當年是否去到演出底線？他笑住說：「得返底褲你仲想有乜底線呀？𠵱家我已經做咗爸爸喇，咁樣演出機會好微，但真係有需要及有條件嘅話冇話冇可能，至少畀半年我修肚腩。」至於林老師解釋話，當年醒佢，因為Michael夠大隻。

謝天華曾係跳唱組合「風火海」成員，除他仲有朱永棠及陳小春。

薛家燕在澳門舉行《愛你無限60年演唱會》，被表演嘉賓謝天華一把抱起。

林老師曾經教過郭富城跳舞。

1993年林憶蓮紅館個唱，作為排舞導師的林青峰扮和尚演戲兼伴舞。

林青峰曾跟多位巨星合作過，哥哥都係其中一份子。

謝天華(右)曾着紅色T Back為憶蓮伴舞，

雖然過往Michael在紅館做過100多場騷，但認為做舞蹈員算艱辛，因為跳舞不會跳到發達，不過，累積經驗卻值得，學會身體語言有助演戲及做音樂劇。對於時下歌手及舞者，Michael認為他們側重跳街舞，作為專業舞蹈員應該要全面些。另外，重提MIRROR去年紅館意外，林老師話事後令舞者添上心理壓力，Michael認為香港對舞者保障可以再做好啲，尤其舞台安全性希望有所改善，當然包括台燈聲要配合。他表示，以前反而少高空意外，最多因為機關問題跌落窿，所以希望製作單位留意。他說：「好彩我未跌過落台，每次都會打醒精神留意機關，踩台有問題會同排舞老師溝通返。」當年林老師堅持由Set Up開始現身摸熟舞台，再跟舞蹈員講解及溝通，做足準備功夫。

已為人父的謝天華，直言再着T Back跳舞機會好微。

他參與的內地綜藝節目《披荊斬棘的哥哥》也會跳舞。

Michael關注MIRROR紅館意外，尤其傷及舞者李啟言(阿Mo)等。

內地綜藝節目《大灣仔的夜》，香港演員有陳小春(中)、謝天華(右2)、林曉峰(左1)、梁漢文(右1)、張智霖（左2）。

《星島頭條》APP經已推出最新版本，請立即更新，瀏覽更精彩內容：http://www.stheadline.com/