朱晨麗避談同何廣沛分手 取消關注降呢為同事以四字回應

朱晨麗今日（29日）到將軍澳電視城出席《TVB X淘寶直播媒體見面會》，她笑言愛網購：「我都幾沉迷，唔睇會瞓唔著覺，睇通宵咁睇，現在少出去食飯睇戲，消閒都是網購，因為我離鄉別井，所有物品都是由自己買。」問到何時做主播？她稱要等公司安排，講到做內地帶貨有優勢？她笑說：「有優勢，但網民包容力好強，鍾意聽大家講港普。（你會講普通話或廣東話？）廣東話，但網民都會提出，想我講上海話、蘇州話，因為他們知道我在當地長大。」朱晨麗笑言會落力留住每一位網民，因每人都有機會做成生意。

朱晨麗被指與何廣沛分手並取消Follow，問到如何留住對方？她說：「公司會留住他，私人事不回應。（話佢飛你？）唔好亂猜測，不嬲都是同事。（唔係朋友？降呢？）以前都係。」講到何廣沛已沒Follow她，朱晨麗表示：「最近多了Follow我的人，但網上就是好多人去好多人來。（即是同事變網民？）你講㗎咋！」何廣沛指久未見過對方，朱晨麗稱已好耐沒有返電視城，但有大型活動當然要回來支持。