RubberBand世界巡迴Show丨6號曼城站失守 唱《假使世界原來不像你預期》喊到唱唔到

2021年，RubberBand因為要送別將會遠行的香港朋友而創作《Ciao》，同時亦於演唱會上許下約定，相約於大家新居再聚。2023年，RubberBand終於能夠兌現承諾，帶同《RubberBand Ciao World Tour 2023》越洋到歐洲與大家見面！世界巡迴的首站於3月24日來到英國倫敦的OVO Arena Wembley舉行，6號表示能到英國跟大家見面，是花了不少的努力。

首場在倫敦舉行。

眼淺的6號，在唱出《挾持》前，略帶哽咽地感謝當晚亦到場欣賞、為他們填寫此歌歌詞的黃偉文（Wyman），6號並借觀眾的掌聲送給對方：「呢首歌送畀Wyman又送畀你哋。前一晚同佢傾偈，佢寫廣東歌嘅火係好猛嘅，多謝Wyman。」演唱完畢後，6號直言感覺這次比起在紅館的4場演出時狀態更好：「好正，我覺得今晚唱得好過紅館嗰幾晚，認真㗎，我啲同事叫我唔好咁大壓力，但我都唱錯咗一句，Sorry Wyman。」到最後一首歌響起，6號向台下表示要唱出最後一首歌，以免大家趕不上尾班車回家，豈料觀眾們起哄，但並非是叫Encore，而是大叫「有車」，非常惹笑，令6號亦不禁戲言要創作一首名為《通宵車》的歌曲。戲言過後，6號轉回感性Tone表示：「呢首歌第一次帶到嚟呢個地方唱，我寫歌詞嘅時間係諗緊你哋嘅畫面，可以喺呢個時候唱我覺得好神奇，希望可以hold到我嘅眼淚。」語畢便為眾人送上《Ciao》。

6號夫婦同Wyman。

Rubberband同Wyman。

World Tour 的第二站於26日晚在英國曼徹斯特的 AO Arena 舉行，雖然有了頭場跟「自己人」重聚的經驗，但來到第二場仍然有不少令人感動場面，6號的淚腺更是連番失控淚灑台上，當他唱出《假使世界原來不像你預期》時見到全場燈海感動大合唱即爆喊。《RubberBand Ciao World Tour 2023》之後會到德國柏林及荷蘭阿姆斯特丹再舉行。

6號唱出第一句《假使世界原來不像你預期》後已忍唔住喊。

場面好感動。

《星島頭條》新網站有更多精彩內容：http://www.stheadline.com/