星8卦丨「男仔頭」衰cheap得罪老細 學精遇大少修成正果

講起「男仔頭」都有啲淒涼，為咗頭家，書都未讀完就拋頭露面，由於賣咗初夜俾「老哥」，竟然愛上咗對方，老哥話兩個人開心就好，唔好諗咁遠。但「男仔頭」愈陷愈深，竟然去搞「大家姐」！呢位仁姐一直係老哥嘅大水喉，所以最後老哥發晒「男仔頭」爛渣，令佢好傷心。

自此「男仔頭」對男人都抱住搵食嘅態度，不過又有唔錯嘅命水，識到又冧佢嘅都係有頭有面，「俊男」直情租埋靚地段同佢雙宿雙棲，如果「男仔頭」唔係衰cheap拎啲靚衫去賣錢，「俊男」都會包養佢耐啲。

因為性格問題，「男仔頭」一直都係個個老細對佢好一陣，好快又完結「合約」，「男仔頭」唔明白，以為自己個Body唔得，所以個個星期都去吸胸，靠不同儀器令搵食工具keep住100％誘惑，好多試過嘅襟兄弟喺茶餘飯後都話「男仔頭」好正！

「男仔頭」知道之後更加勤力，希望呢班老細有朝一日同自己有結果。好彩喺佢仲生得之前，遇到「大少」生滋貓入眼，完全唔計較佢之前做過乜，雖然唔靚仔又蠢蠢哋，但話肯娶佢，仲唔使繼續做幕前，「男仔頭」梗係第一時間答應，而且仲行老爺政策，氹得所有長輩都好高興，好彩佢哋都唔係太計較，鬼佬性格，「男仔頭」嫁咗都安份守己，近年扮晒名媛好受歡迎，過去一啲都無人再提。

 

【相關文章】：

星8卦丨「家姐」姣媾裙腳仔連生兩個得米 避開「勢利老竇」自保

星8卦丨「男歌手」食仔被老婆發現離婚 放縱繼續男女通殺專搞助手

星8卦丨「阿寶」有大水喉射住 鍾意袋現金周圍派

 

訂閱星島網singtao.ca電郵快訊，每天可收到最快新聞資訊： https://www.singtao.ca/subscribe/singtao.php

>>>訂閱CCUE YouTube 頻道，查看更多吃喝玩樂、生活資訊影片。

【看星島＊知天下】請立即下載「星島新聞(加拿大版)」App：
iPhone：https://apple.co/2IBi812
Android：https://bit.ly/2Pe8anu