鄭欣宜紅館騷開鑼 Do姐任嘉賓妙問妙答笑爆全場 TVB定ViuTV佢點揀？

鄭欣宜昨晚（16日）假紅館舉行一連三場《Believe Us鄭欣宜演唱會2023》頭場，請來鄭裕玲（Do姐）擔任嘉賓。在介紹Do姐出場前，鄭欣宜指對方是非常之勁，又靚又敬業樂業，對工作和生活很有規律，聰明兼有霸氣，是女人中的典範。Do姐出場時全場尖叫聲震天，鄭欣宜指Do姐的珠寶很閃，Do姐表示見所有人不用戴口罩很開心，歡呼聲也特別大聲，又說在後台聽鄭欣宜演唱已好感動。

【點擊睇鄭欣宜演唱會相】：

鄭欣宜的頭場演唱會請來鄭裕玲（Do姐）擔任嘉賓。

鄭欣宜介紹Do姐出場前，指對方是非常之勁。

Do姐沒有唱歌，與欣宜來個大問答，講足十分鐘。

欣宜直言要升級，直問Do姐TVB或ViuTV，全場嘩然大叫。

鄭欣宜紅館騷開鑼 Do姐任嘉賓妙問妙答笑爆全場 TVB定ViuTV佢點揀？

講到自覺非常夠資格做嘉賓，Do姐解釋因欣宜未出世，在肥姐大肚時已知道她的存在，看着欣宜長大。欣宜又搞笑地請Do姐批評或罵她，從而進步和改善，Do姐表示從別人口中知道欣宜喜歡夜瞓又晏起身，故叫對方學她早睡早起，在這歲數尚算保養不錯，她說：「欣宜冇咩唔好，尊重自己體態，有一輪佢減到好瘦，我叫佢做番自己，佢做番自己我好開心。佢對唱歌和演出付出100%，叻女到紅館開演唱會第三次，好proud of你。」

當晚Do姐沒有唱歌，與欣宜來個大問答，講足十分鐘。二人各問尖銳問題，並巧妙地回答，引得全場爆笑。Do姐問欣宜要愛情或事業？自認貪心的欣宜表示「Both」。欣宜問Do姐電視或電台，哪邊較多錢？Do姐亦說Both，笑稱是為興趣，最緊要開心。欣宜問Do姐喜歡高大或肥的男仔？Do姐表示喜歡現場所有男仔，欣宜則說：「我唔係瘦又唔算高，揀個高高哋又肥肥哋。」

之後問題升級，欣宜直問Do姐TVB或ViuTV，全場嘩然大叫，Do姐說：「梗係開電視（HOY TV）啦！我就嚟拍一個旅遊節目。」欣宜笑說要再尖銳，問得一個水泡，Jackson Wang和姜濤跌落水救邊個？Do姐笑稱現時多了個任時完，三個都識游水不用擔心。Do姐追問欣宜有沒有拍拖？欣宜即反問她，Do姐說：「我同現場所有男仔拍拖，呢種關係幾好，你哋又鍾意我，每次見面都冇嗌霎。」欣宜即跟Do姐口吻回答，令觀眾發笑。最後，Do姐向欣宜表示要相信自己，繼續愛自己。

另外，欣宜指今次演唱會不惜工本，四條巨大燈柱來自英國。欣宜又感觸表示揀自己的路除了一種勇氣、叛逆，亦有一種阿Q精神，當不如意時會選擇相信一定會好，若不這樣去想，便被恐懼佔領而不開心，所以選擇相信便能跨過，堅持自己信念，準備好自己，一定等到想要的東西出現。她又指歌曲《Flowers》給予她力量，不需要靠人錫她，也可好好錫自己，並祝大家自戀。