陳偉霆避談與超模女友何穗已分手 與舊愛蔡卓妍同台唔尷尬：都咁多年

電影《爆裂點》總導演及監製林超賢與陳偉霆（William）、周秀娜及譚俊彥受訪時，陳偉霆表示過兩日便會返大陸工作，而今次返港除了出席今日活動外，亦會為該及為該電影配音。對於有指陳偉霆跟超模女友何穗已分手，他即時封嘴表示：「感情唔講，講返套電影。（咁係咪分手？）你哋打畀我。」至於提到他今日與舊愛蔡卓妍同台，陳偉霆坦承兩人沒有交談：「都咁多年，我哋冇尷尬，但問得多就怕尷尬。」至於兩人會否合作？陳偉霆說：「睇老闆肯唔肯，老闆都未必肯啦！（你介唔介意？）我睇老闆頭。」

【點擊睇記者會盛況】：

周秀娜。

電影《爆裂點》總導演及監製林超賢與陳偉霆（William）、周秀娜及譚俊彥受訪。

電影《爆裂點》總導演及監製林超賢與陳偉霆（William）、周秀娜及譚俊彥受訪。

對於有指William跟超模女友何穗已分手，他即時封嘴。

今日舉行的《2023英皇電影巡禮》，星光熠熠。

陳偉霆與舊愛蔡卓妍同場。

陳偉霆與舊愛蔡卓妍同場。

至於林超賢則透露已在另一部電影《無限任務》中為陳偉霆度身訂造角色，問到是否有很多打鬥場面？他說：「唔止打得勁，後生仔打得勁係應份，淨係打得勁又邊夠？」而林超賢又指在馬來西亞拍攝《爆》片時眾人亦非常辛苦，因為當地的場地很崎嶇，要徒步行過千級樓梯，而拍攝期間更遇到水浸，幸好最後有驚無險。至於譚俊彥則表示於戲內要打人又要被打，而且更要跳樓及糟質陳偉霆，雖然要糟質陳偉霆好心痛，但他就大讚對方好敬業，每個鏡頭都親身上陣。問到有沒有受傷？他指有，但也是小傷，又透露自己在山洞拍攝時突遇水浸，水份在十分鐘內由腳眼升到腰間，幸拍攝團隊非常專業，即時收拾器材撤退。而陳偉霆指事發時自己已離開當地，得悉團隊出意外亦嚇了一跳，即時打電話給劇組。至於周秀娜就笑言對著幾位男主角，不好意思呻辛苦。