獨家丨余潔滢鏡頭前首着泳裝自知冇身材 靠晒性感人妻李月兒吸Like

憑ViuTV真人騷節目《賭命夫妻》彈起的李月兒（Luna）與余潔滢（Zoe）齊主持HOY TV旅遊節目《女遊日本》，兩人共浸咗10款唔同溫泉，又上天下海，玩滑翔傘及於心齋橋河邊划船，身材平平無奇的Zoe自己知自己事，面對性感又好身材的人妻Luna即笑言：「玩高空大膽嘢留畀我，性感交畀佢。」分工作冇交嗌，兩人成為最佳旅遊拍檔。採訪：方騫平 服裝：Maje (Zoe)、i.t_too (Luna ) 場地：daydayhappy_kw

余潔滢、李月兒好啱玩，成為最佳旅遊拍檔。

 

 

 

去年11月，日本開關，兩人即到東京及大阪取景，留足兩個月，期間喪食狂玩，由朝到晚食唔同拉麵、又試唔同串燒等，食到捧住個肚，點知導演臨時提出，下周要着泳衣玩水上樂園，兩女嚇到臨急臨忙節食，又去便利店掃沙律及去跑步。

兩人捱住冷着和服扮日本妹。

 

兩人包住大毛巾浸溫泉，畀到觀眾遐想。

 

Zoe唔畏高又大膽，好享受玩滑翔傘。

 

擔心剪走晒泳衣鏡頭
Zoe首度在鏡頭前着泳裝，對於呢個第一次，她笑說：「我冇睇頭，對比佢（Luna）嘅事業線就好深長，唔知我會唔會俾人剪走晒泳衣鏡頭？其實拍攝時經已盡量縮肚。」Luna自言滿意身材，堅持健康性感，就算捱冷都要扮日本妹，着短裙晒長腿，最緊要靚，老公匡仔亦御准她咁做，認為趁年輕Show得就Show。Zoe即補充：「所以包毛巾浸溫泉感覺良好啲，只露肩膊會畀到人遐想，唔知我哋有冇着到衫。」兩人好夾形容係最佳旅遊組合，建議可延續做山系旅遊系列。

Zoe谷到盡，身材都冇乜睇頭。

 

老公匡仔支持Luna鏡頭前騷吓「實力」。

 

Luna對身材好滿意，唔介意健康性感。

 

《星島頭條》新網站有更多精彩內容：http://www.stheadline.com/
 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。