東張西望丨霸地建屋60年一個原因「逆權侵佔」失敗自毀家園 網民圍插厚顏無恥太貪心
不少香港人都夢想自己有個安樂窩，不過今日（5日）TVB節目《東張西望》今日報道一個家庭拆毀自己家園的故事。陳氏一家居於文錦渡沙嶺村近60年，早在1957年陳爸爸從內地逃亡至沙嶺材一帶，當時仍然滿地泥濘，陳爸爸出錢出力用水泥鋪路，還在沙嶺村建屋，在當地落地生根。陳氏女兒稱當時已獲業主答應讓：「既然你都開墾咗，就由得你哋喺度落腳啦！」
【點擊睇《東張》講陳家拆屋】：
約1971年，有個自稱姓甘的業主與陳爸爸訂立租約，陳小姐聲稱父稱唔識字：「我爸爸喺唔清唔楚嘅情況下，俾姓甘呢個人立咗租約、簽咗名、交咗租，之後一直都相安無事，姓甘嘅業主都有嚟收吓租。」甘姓業主只佔2/6業權，其他業主則未有出現。
直至1999年陳爸爸病逝，陳媽媽與子女拒絕交租，更加建圍欄碓立居住範圍，一直相安無事。到2015年，自稱甘姓業主的姪仔突然現身，陳小姐指：「有個姓甘要求我哋買咗塊地，開咗個天價數字，2,000萬，我哋當然冇答應。因為我哋confirm唔到佢係咪後人，我哋梗係唔亂咁交租啦！同埋我哋覺得我哋辛苦經營呢度、落地生根咗幾十年，我覺得冇功都有勞囉！我哋係應份可以去逆權侵佔呢個地方。」
於是2015年陳家與甘姓業主後人打「逆權侵佔」官司，而陳爸爸曾跟業主簽約、也曾交租，所以並不叫「逆權侵佔」，陳家亦輸官司，但當時業主並無阻止他們繼續居住。不過陳小姐指控後來左鄰右里打規模僭建，變成劏房，影響他們生活；後來業主更與地政署人員一同拆除陳家的圍欄，卻對其他僭建視而不理。後來有個姓方新業主買下土地，陳家再與新業主打「逆權侵佔」官司，對方則貼紙着他們搬走，陳小姐指：「貼啲冇法律效用嘅紙出嚟叫我哋幾月幾號搬走，不停騷擾我哋。」
雖然陳小姐聲稱自己仍有一線生機，希望找回另外4個各位1/6業權的業主後人：「令我哋唔需要咁慘即刻搬走，或者大家有得傾。」不過《東張》採訪大律師陸偉雄，陸大狀斷言：「搵到其他4個都冇用，一般嚟講霸佔全部人嘅地、業權咁先得。而家即使搵嗰4個，都只係代表一部份嘅業權，但而家同你爭拗嗰個人唔畀你逆權侵佔，你都唔能夠霸佔嗰部份。」
經過第一次官司失敗，與新業主的官司亦希望渺茫，加上面對遷出令限期將至，陳家決定自行拆毀家園，陳媽媽直言覺得好心痛：「由我先生娶我返嚟捱到今時，都估唔到有今日。」節目播出後，引起不少網民討論，不過普遍人都認為陳家相當貪心、厚顔無恥：「畀你哋住咗幾廿年賺咗啦！仲想點呀！」、「仲大大聲話無交租」、「係人塊地收你租講到搶你錢咁。」、「你連租都唔X交啦，好意思話人哋劏房。」、「從來都唔係屬於你，講到咁委屈。」
【相關閱讀】：
東張西望丨「胡小姐」遭騙徒分身六角色呃走逾千萬 每日向公安報到以為被監聽
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
