初選案｜區諾軒接受辯方盤問 提及戴耀廷對如何落實五大訴求說法

民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪。區諾軒今(3日)午於西九龍法院開始接受辯方盤問，承認曾在錄影會面中曾指戴耀廷對如何落實五大訴求說法「好細緻、好具體」，然而於許多民主派人士而言「只不過係讓到更加多嘅民主派代表進入議會，不斷講五大訴求，未必一定要特首下台，或者係要癱瘓政府」。

資深大律師潘熙代表鄭達鴻及梁國雄盤問下，區諾軒承認2021年7月至8月期間共7次在警方錄影會面下錄取口供，確認在其中一份供詞指，當時重要爭議為「就係究竟乜嘢方法去落實五大訴求先至係一個大家諗緊嘅講法呢？」在戴耀廷而言其說法「好細緻、好具體」，但於許多民主派人士而言，「佢哋嘅諗法呢只不過係讓到更加多嘅民主派代表進入議會，不斷講五大訴求，未必一定要特首下台，或者係要癱瘓政府」，「個實踐嘅手段我相信呢根據唔同嘅政治光譜，大家會有唔同諗法，但係呢一樣喺整件事上面一路都未有釐清」。潘熙追問下，區交代民主派政黨有傳統泛民、激進泛民及本土等，包括公民黨及社民連等，政治光譜位置各異。

潘熙再引述區供詞提問，區坦承2020年2月聯同戴會見公民黨執委時「分唔到邊個係當時執委」，不清楚與會的余若薇是否執委，只因為會議會見執委故假定與會者大部份為執委，又憶述當時被告鄭達鴻不在場。區供詞續指當時公民黨人提出憂慮，黨內有功能組別立法會議員，舉例指「如果政府要大幅向教育界撥款話增聘教師，噉你作為教育界立法會議員呢係好難話去否定（財政預算案）呢樣嘢」，「好難會背棄業界」，如各人均要否決財案「咪搞到佢哋好大壓力」。區供詞又提到「呢個講法呢我哋都好多時候喺主流（政黨）⋯⋯到後尾都不時聽到」。

潘熙問及社民連是否曾指如財案包含全民退休保障，則社民連會投票贊成，區答道「岑子杰同陳寶瑩（代表梁國雄）喺協調會議都各自表達過相關睇法」，區同意無論地方選區還是功能組別，「都有呢方面困難」。潘熙追問公民黨上述憂慮是否持續到5月底6月初，區答道如根據協調會議，「我會話係5月中」，潘熙再問是否持續了2020年一整年，區答到「唔能夠咁武斷」，補充指公民黨2月會面時的意見「難以推論後來佢哋想法有冇轉變」。

區供詞中另提到3月25日公民黨記者會前曾聯同公民黨林瑞華等出席「沈旭暉35+交流會」，林曾講及自己有公民黨身份，亦積極考慮參選立法會飲食界，故曾同樣表達上述憂慮。

法庭記者：陳子豪

---